Kárim Kókirekbaev ákimdik múshelerine oblys ákiminiń jańa orynbasaryn tanystyrdy. Buǵan deıin oblys ákiminiń orynbasary qyzmetin atqaryp kelgen Abdaly Nuralıev Qazaqstan Respýblıkasy Parlamentiniń depýtaty bolyp saılanǵan edi. Endi Jambyl oblysy ákiminiń orynbasary laýazymyna osy ýaqytqa deıin Jambyl aýdanyn basqaryp kelgen Máden Musaev keldi. Aldaǵy ýaqyttarda Máden Toqtarbaıuly oblystyń aýylsharýashylyq salasyna jetekshilik etetin bolady.
Jambyl oblysy ákiminiń 2017 jylǵy «3» shildedegi № 262-ó ókimimen Musaev Máden Toqtarbaıuly Jambyl oblysy ákiminiń orynbasary bolyp taǵaıyndaldy.
Musaev Máden Toqtarbaıuly 1963 jyly týylǵan, bilimi joǵary, 1989 jyly Almaty zootehnıkalyq Maldárigerlik ınstıtýtyn «mal dárigeri» mamandyǵy, 1998 jyly Qyrǵyz memlekettik Ulttyq ýnıversıtetin «Zańger» mamandyǵy boıynsha bitirgen.
Eńbek jolyn 1989 jyly Jańa turmys sovhozynyń maldárigeri bolyp bastaǵan.
1990-1991 jyldary Pýt Lenına kolhozynyń bas maldárigeri, 1991 jyly Qordaı aýdandyq maldárigerlik stansasynyń bas maldárigeri, 1991-1992 jyldary «Aq bulaq» AQ-nyń aǵa maldárigeri, 1992-2003 jyldary «Sarybulaq» sovhozynyń bas zootehnıgi, mal sharýshalyǵy sehynyń bastyǵy, 2003-2004 jyldary «Birlik ústem» óndiristik kooperatıviniń tóraǵasy, 2004 jyly Qazaqstan Respýblıkasy Aýylsharýashylyǵy mınıstrliginiń Qordaı aýdandyq aýmaqtyq basqarmasynyń bastyǵy, 2004-2008 jyldary Shý aýdany ákiminiń orynbasary, 2008-2010 jyldary Moıynqum aýdanynyń ákimi, 2010 jyly Jambyl oblysy ákiminiń keńesshisi, 2010-2015 jyldary Almaty oblysy Ile aýdany ákiminiń orynbasary, 2015 jyldan Jambyl oblysy Jambyl aýdanynyń ákimi qyzmetterin atqarǵan.
