«QR Ulttyq ekonomıka mınıstrligi Statıstıka komıtetiniń derekteri boıynsha 2017 jylǵy mamyrda Qazaqstan halqynyń sany 18 mıllıon adamǵa jetti, al 18 mıllıonynshy turǵynnyń týǵan kúni 2017 jyldyń 11 mamyryna saı keldi», - dep málimdedi ulttyq ekonomıka mınıstri Tımýr Súleımenov.
18 mıllıonynshy turǵynnyń týǵan kúnin anyqtaý barlyq demografııalyq oqıǵalardy: halqy sanynyń ósim (týý jáne ımmıgrasııa) jáne tómendeý (ólim jáne emıgrasııa) komponentterin eskere otyryp jasaldy. Komıtet 18 mıllıonynshy turǵyndy AHAT organdary 2017 jylǵy 11 mamyrda tirkegen týý týraly akt jazbalary málimetteri negizinde qalyptastyrylǵan týǵan kúnder bazasyndaǵy balalardy izdeý jolymen anyqtady. Kandıdatýra olardyń analarynyń turǵylyqty jerine (qalalyq/aýyldyq jer), olardyń bilim deńgeıi men kásipter túrine, sondaı-aq jańa týǵan nárestelerdiń jynysy, salmaǵy men boıyna qaramastan, tutastaı alǵanda respýblıka boıynsha anyqtaldy.
Osylaısha, Almaty oblysy Taldyqorǵan qalasynda týǵan Mýslıma Samatqyzy 18 mıllıonynshy turǵyn retinde tirkelgeni anyqtaldy. Mýslıma otbasyndaǵy ekinshi náreste. Týǵan kezde náresteniń salmaǵy 3300 gramm, al boıy 51 sm boldy. Náresteniń ata-anasy Taldyqorǵan qalasynda turady: anasy – Omarhanova Dıana Erıkqyzy – defektolog, 1991 jyly týǵan, ákesi – Bestybaev Samat Erkınbekuly – muǵalim, 1982 jyly týǵan.
Oblys ákimi Amandyq Batalov Qazaqstan Respýblıkasynyń 18 mıllıonynshy turǵyny dúnıege kelgen Taldyqorǵan qalasynda turatyn Bestibaevtar otbasyna arnaıy baryp quttyqtap, jas otbasyǵa 3 bólmeli páter beriletinin aıtty.
Elbasynyń atynan nárestege arnalǵan qural-jabdyqtar, atap aıtqanda besik, tósek, kolıaska, oıynshyqtar sekildi qajettilikterdi syıǵa tartqan oblys ákimi A. Batalov:
«Elimizdiń on segiz mıllıonynshy turǵynynyń Almaty oblysynyń ortalyǵy Taldyqorǵan qalasynda dúnıege kelgeni – bárimiz úshin erekshe qýanyshty oqıǵa. Demografııalyq ósiminiń jyldan jylǵa ulǵaıyp kele jatqany halyqtyń Elbasymyzdyń salıqaly saıasatyna, Qazaqstannyń bolashaǵyna degen seniminiń zor ekenin bildiredi. Jas urpaqtyń alańsyz ósip, bilim alýyna elimizde barlyq jaǵdaı jasalyp keledi. Elbasynyń atynan, Jetisý jurtshylyǵynyń atynan osy aıtýly oqıǵamen shyn júrekten quttyqtaımyn. Kishkentaı náreste aman-saý ósip, er jetip, eldiń abyroıly azamaty bolsyn!», deı kele, qalada kúzge taıaý paıdalanýǵa beriletin jańa turǵyn úıden jas otbasyna 3 bólmeli páter beriletinin jetkizdi.
Mýslımanyń atasy Erkinbek Bestibaev pen ájesi Bıbitaı Jasybaeva kishkentaı nárestege, jas otbasyna, jalpy óz áýletterine kórsetilgen úlken qurmet pen syı úshin Prezıdentke, oblys basshylyǵyna rızashylyǵyn bildirdi.
