Táýelsizdiktiń tátti jemisi

Astana – qazaq úshin ǵasyr­lar boıy armandap kelgen uly murat­tardyń ushar basyndaı keshendi joba. Jańa shahar táýelsizdik pen órkenıettiń altyn qazyǵy desek bolady. Elorda – 130-dan astam ult pen ulystyń basyn biriktirgen úkili úmit pen aıryqsha senimniń nyshany. Keleshektiń kepi­lindeı alystan kózdi arbaıtyn jasyl-jaqut – jańa ıdeıalardyń alańy qazir. 
Jýyrda Astanada ótip jatqan EKSPO-2017 halyqaralyq kórmesin araladym. Meniń sonda boıymdy erekshe bir rýh kernedi. Ol rýh – álem­dik arenada turǵan qazaq rýhy bolatyn!
Baıaǵy Sýıab, Ispıdjab, Syǵanaq, Jend, Túrkistan, Aqmeshit, Alma­tynyń zańdy jalǵasy, tarıh tizbegi – Astana baıandy bolashaqqa jol ashqan altyn qaqpa, jibek jol, kúmis kúmbez. Mártebeli shahardyń minezi de basqa, maıda, qońyr. Esildeı esilip jatqan jastardyń qalasy bul kent!
Búgingi Astananyń jańasha sáý­let­tegi nurly naqyshtary, sondaı-aq, 100 paıyz qazaqy ataýlarmen belgilengen kóshe attarynyń ózi Táýelsizdiktiń tátti jemisi der edim!
Prezıdentimiz Nursultan Nazarbaev­ty jáne árbir qazaqstan­dyq­­ty Astana kúni merekesimen quttyq­taı­myn!

Keńes JUMABEKOV, 
Qazaqstannyń eńbek sińirgen ártisi, Memlekettik syılyqtyń laýreaty
Qaraǵandy oblysy