Osy jyly neke qııý saltanatyna 38 jup qatysty, olardyń jas mólsheri 18-den 40-qa deıin. Shara aıasynda jas jubaılar arasynda syılyqtar men júldeler oınatyldy. Bas júlde – Túrkııa men Býrabaıǵa joldama jáne teledıdar. Rásim aspanǵa sharlardy jiberýmen, toı valsin bıleýmen jáne tátti torttan dám tatýmen bastaldy.
Mereıtoılyq neke qııý rásimi EKSPO-2017 kórmesiniń ótkizilýimen tuspa tus keldi. Osyǵan oraı «Astana EKSPO-2017» kompanııasy sharanyń ótýine qoldaý bildirip, kórme aýmaǵynda jas jubaılar úshin fotosessııa uıymdastyrdy.
«Birden 40 qalyńdyq toı kóılegin kıip, kúıeýjigitterdiń qolynan alyp, bolashaqqa qadam basqanyn esh jerden kóre almaısyń. Bul shynymen óte ádemi, áserli. 10 jyl buryn neke qııatyn ár jupqa rásimniń qalaı ótetinin túsindirý qajet bolsa, búginde ondaı qajettelik joq», – dedi Astana qalasy Kásipkerlik jáne ónerkásip basqarmasy basshysynyń orynbasary Ryskúl Qaýǵabaeva.
