"Astana qala qonaqtaryn tańǵaldyratyn qalaǵa aınady, barlyq qazaqstandyqtardyń maqtanyshy boldy. Bul bir jaǵynan. Ekinshi jaǵynan, Astana óziniń múmkindikterin búkil álemge kórsetýi tıis qalaǵa aınaldy. Men táýekelge bardym. Barlyǵyn qoıdym: saıası bolashaqty, ózimdi jáne basqalardy táýekelge qoıdym. Artqa barar jol joq degendeı, tek alǵa jyljý kerek boldy. Biz alǵa jyljydyq, jeńdik", - deıdi Nazarbaev.
"Bir mınýt bolsa da kúmándanǵan joqsyz ba?" - dep surady jýrnalıst Robert Fransev.
"Bir mınýt bolsa da kúmándanǵan joqpyn. Kúmándanǵan jaǵdaıda meniń qasymdaǵy adamdar menen de qatty kúmándanatyn edi. Parlament daýys berdi, árıne, kúmándanǵandar kóp boldy. Bastapqyda tipti muny ázil dep oılaǵandar da boldy. Biraq munyń ázil emes ekenin túsingen kezde olar: "Daýys bereıik. Astanamyz qashan kóshiriledi? Kem degende 40 jyldan soń, al ol kezde, biz, depýtattar, munda bolmaımyz da" dep, daýys bere bastady. Osy depýtattardyń ózi keıinirek osynda júkterin alyp, 1997 jyly jeltoqsannyń borandy kúninde kóship keldi", - deıdi Elbasy.
