Boks • 06 Shilde, 2017

Fırýza Sháripova EXPO-2017 kórmesi aıasynda álem chempıony tıtýlyna talasady

172 ret

kórsetildi

1 mın

oqý úshin

26 tamyzda Astanadaǵy EXPO-2017 kórmesi aıasynda kásipqoı boks keshi ótedi. Birinshi jarysta Qazaqstannyń 22 jastaǵy kásibı boksshy qyzy Fırýza Sharıpova álem chempıony ataǵyna kúresetin bolady, - dep habarlandy EXPO-2017 kórmesiniń saıtynda.

Egemen Qazaqstan

Fırýza Sháripova EXPO-2017 kórmesi aıasynda álem chempıony tıtýlyna talasady

Aıta keteıik, keshtiń uıymdastyrýshylary - halyqaralyq EXPO-2017 kórmesi jáne Fırýza Sharıpovanyń komandasy.

"Astana EKSPO-2017" basshysy Ahmetjan Esimov Sharıpovanyń komandasymen kezdesip, álemge áıgili otandyq sportshylar men EKSPO kórmesiniń maqsaty bir ekenin atap ótti. Onyń aıtýynsha, kórmeniń basty maqsaty -Qazaqstannyń atyn halyqaralyq deńgeıge shyǵarý.

"Men áıelder arasynda kásibı bokstan birinshi álem chempıony atanýǵa úlken múmkindik týǵanyna jáne bul ataqty Qazaqstanda alatynyma qýanyshtymyn. Halyqaralyq EXPO-2017 kórmesi uıymdastyrýshylaryna jáne arnaıy basqarma tóraǵasy Esimov Ahmetjan Smaǵululyna osyndaı aýqymdy forýmda sóz sóıleýime múmkindik bergeni úshin alǵys bildiremin. Men óz elimdi jerge qaratpaımyn, men jaqsy boks kórsetemin!", - dep atap ótti Fırýza Sháripova.

Kásipqoı boks EXPO-2017 aýmaǵyndaǵy ózine 6 myń kórermen jınaı alatyn Amfıteatrda ótedi.