Sarǵa aýylynda sapaly aýyz sý máselesi kópten beri ótkir tur. Turǵyndardyń qýanyshyna oraı endi bul másele sheshimin tabatyn bolady. Jobalyq qýaty az emes, onyń quramyna sý quıý stansııasy – 91,2 m³/saǵ, tazartylǵan sýǵa arnalǵan sý quıma syıymdylyǵy – 1000 m³; bastapqy sýǵa arnalǵan sý quıma syıymdylyǵy – 500 m³ kiredi. Respýblıkalyq bıýdjetten qarjylandyrylatyn nysan qurylysynyń quny 487,583 mln teńge, merdiger – «Sıko» JShS. Sý qubyrynyń uzyndyǵy 27,275 shaqyrymdy quraıdy.
Qurylys jumystary 2018 jyly aıaqtalyp, joba iske qosylǵanda 30 jergilikti turǵyndy jumyspen, 200 turǵyn úıdi sapaly aýyz sýmen qamtamasyz etýge múmkindik týady.
Mańǵystaý oblysynyń ákimi Eraly Toǵjanov Elbasy Joldaýynda aýyl ekonomıkasy men ınfraqurylymyn damytýdaǵy memlekettik saıasat aımaqtarda zamanaýı standarttarǵa sáıkes turýǵa qolaıly jaǵdaı jasaý úshin baǵyttalǵanyn atap ótti.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
