Azııa chemponatynyń ashylý salantanaty 3,5 aı buryn ǵana jóndeý jumystary bastalǵan Bhýbaneshvardaǵy «Kalinga» stadıonynda ótti. Uıymdastyrýshylar kóremenderge 2 saǵatqa sozylǵan keremet shoý syılady. Saltanatty shara kezinde jarysty uıymdastyrýshy memlekettiń tarıhy, «Aıdahar bıi», úndisterdiń dástúrli bıi kórsetildi. Sondaı-aq sońynda otshashý boldy.
Jeńil atletıkanyń mamandary ashylý saltanatyn óte joǵary baǵalady. Uıymdastyrýshylar joǵary deńgeıde daıyndalǵan. Bul sońǵy jyldardaǵy Azııadaǵy eń úzdik ashylý saltanattarynyń biri boldy. Qazaqstan quramasynyń týyn balǵa laqtyrýshy Dıana Núsipbekova alyp júrdi. Ashylý saltanatyna 6 shilde kúni júgiretin sprınterler – Vıktorııa Zıabkına men Olga Safronova, sonymen qatar dıskobol Evgenıı Mılovaskıı jáne t.b atletter qatysqan joq.
Jalpy alǵanda, Bhýbaneshvardaǵy Azııa chempıonatynda qurlyqtyń 800 úzdik atleti óner kórsetedi. Olar 45 eldiń namysyn qorǵaıdy. Qazaqstan komandasy Úndistanǵa 3 shilde kúni ushyp ketti. Bizdiń eldiń delegasııasy Astana jáne Almaty qalalarynan jınalyp, eki top bolyp bardy. Sary qurlyq dodasynda elimizdiń atynan 31 sportshy synǵa túsedi. Olar aldaǵy Londonda ótetin álem chempıonatynyń normatıvin oryndaýǵa tyrysady.
