Onda erjeler men zańdardaǵy ózgeristerdiń tártibi túsindirilip, paıdaly keńester berildi. Budan bylaı www.enpf.kz saıtyndaǵy «Elektrondyq qyzmet kórsetý» bólimi men jeke kabınetterde jańa servısterdi júzege asyrýǵa bolady. Sondaı-aq mindetti zeınetaqy jarnalaryn esepteý boıynsha jeke zeınetaqy shotyn ashý jóninde ótinish bere alady.
«Bizde 345 myńnan astam salymshy bar. Olardyń zeınetaqy jarnalary aı saıyn aýdarylyp turady. Onyń jalpy jıyntyǵy 180 mıllıard teńgeni quraıdy. 95 myń salymshy onlaın rejiminde aqparatqa qol jetkize alady», deıdi oblystyq fılıaldyń dırektory Ramazan Muqanov.
«Ashyq esik» kúnine kelýshilerge 1 shildeden bastap ortaq zeınetaqy mólsheri - 11 paıyzǵa, bazalyq mólsheri 13 paıyzǵa kóbeıgeni aıtylyp, saýaldarǵa jaýaptar qaıtaryldy.
Mamandardyń aıtýlarynsha, ınvestısııalyq tabystyń eseptelýi, jarnanyń elektrondy túrde túsýi jaıly da málimetter ýaqytyly jetkizilip turady. Túrli gadjetterge arnalǵan baǵdarlamalar ınternet-dúkenderde satylady. Aqparattyq dúńgirshekter arqyly aldaǵy boljaldy zeınetaqy kólemin de ońaı bilýge bolady.
О́mir Esqalı,
«Egemen Qazaqstan».
«Soltústik Qazaqstan oblysy.
