Jańa kásiporyndy aımaq basshysy Erlan Qoshanov pen «KazGazoBlok» JShS aksıoneri Bolat Ábilov arnaıy kelip iske qosty.
– Búgingi kún biz úshin mańyzdy. О́ńirdiń ál-aýqatyn arttyratyn qurylys materıaldaryn shyǵaratyn zaýyttyń jumysyn iske qosamyz. Oblysymyzda apta saıyn bir zaýyttyń irgetasy qalanyp nemese iske qosylýda. Elbasymyzdyń: «Qurylys salasy el ekonomıkasynyń qozǵaýshy kúshine aınalýy kerek degen» sózi bar. Búgin Elbasy tapsyrmasy oryndalysynyń naqty kórinisin kórip otyrmyz. Zaýytqa 1,5 mlrd. teńge ınvestısııa salynyp, 70 adam jumyspen qamtyldy. Endigi ýaqytta aımaǵymyzda qurylys salasy jandanatyn bolady. Osyndaı ıgi isti bastap, týǵan jerge týyn tigip jatqan Bolat Muqyshulyna rızashylyǵymyz sheksiz. Jumysyna jemis tileımin, – dedi oblys ákimi Erlan Qoshanov.
Sonymen qatar, Qazaqstan Respýblıkasy Investısııalar jáne damý mınıstrligi Indýstrııalyq damý jáne ónerkásiptik qaýipsizdik komıtetiniń tóraǵasy Rýstam Aqberdın, Ulttyq kásipkerler palatasy basqarma tóraǵasynyń orynbasary Eldos Ramazanov, belgili qoǵam jáne memleket qaıratkeri Oralbaı Ábdikárimov óz tilegin jetkizdi. Sóz alǵan «KazGazoBlok» JShS aksıoneri Bolat Muqyshuly da atalmysh zaýyttyń el ıgiligi úshin jumys jasaıtynyn aıtyp ótti.
– Gazoblok – qazirgi zamanǵy ámbebap qurylys materıaly. Bútindeı bir iri keshendi qurylystyń mindetin tıimdi, sátti sheshedi. Gazobetondy bloktar túrli ólshemdegi ǵımarattardy salýǵa qolaıly. Bizdiń ónim Qazaqstandaǵy eń sapaly ónim bolady. Onyń ishinde, Temirtaýdyń qumyndaǵy kvarstyń úlesi shamamen 70 paıyz. Zaýyt jylyna 150 myń tekshe metrden asa gazoblok shyǵarýǵa qaýqarly,– dedi.
Kompanııanyń quryltaıshysy Erkebulan Ahmetovtiń aıtýynsha, avtoklavty qataıýdan ótken gazoblok óte tózimdi, ári otyrys bermeıdi, biryńǵaı qurylymdy bolyp, qurylystyń túrli nysandaryna qoldanýǵa yńǵaıly, ári dybys jutylymy men jylýsaqtaǵyshtyq qasıeti de joǵary kórinedi. Gazobloktyń uzaqqa tózimdiligi kádimgi kirpishtiń paıdalaný merzimimen birdeı. О́nimniń sapasyna 80 jylǵa deıin kepildik beriledi eken. Búginniń ózinde Qaraǵandy oblysyndaǵy jáne Astanadaǵy qurylys kompanııalary kelissóz júrgizip úlgeripti.
Mıras Asan,
"Egemen Qazaqstan"
Sýretti túsirgen D.Kýzmıchev.
Qaraǵandy oblysy
