Salany órkendetý jaıy qaraldy

Keshe Parlament Sena­ty­nyń Ekonomıkalyq jáne óńir­lik saıasat komıtetiniń de­pýtattary Baılanys jáne aq­parat mınıstri Asqar Ju­ma­ǵalıevpen jáne «Qazaq­te­lekom» aksıonerlik qoǵamy basqarmasynyń tóraǵasy Qýa­nyshbek Esekeevpen kezdesip, aýyldyq jerlerdi telefonmen qamtý jáne uıaly baılanysty damytý máse­lelerin talqylady. Kezdesýge palata Tóraǵa­sy­nyń orynbasary Aleksandr Sýdın qatysty. Komıtet tóraǵasy Nurlyǵaıym Joldasbaeva basqo­sý­dy asha kelip, ındýstrııalyq-ınnovasııalyq damý baǵdarlama­syn jáne Qazaqstan Respýblıka­synyń 2020 jylǵa deıin stra­te­gııalyq damý josparyn iske asy­rý aıasynda ótip otyrǵan talqy­laýdyń mańyzdylyǵyn atap ótti. Senator sondaı-aq ekonomı­ka­ny jańǵyrtý jáne ınnovasııalyq jańalyqtardy ıgerý aqparattyq tehnologııalardy paıdalanýǵa, ony memlekettik qyzmet kórsetý salalarynda, jurtshylyqqa qol jetkizý múmkindigin arttyrýǵa tikeleı baılanysty ekenin atap ótti. Salany retteý maqsatynda biz­diń elimizde quqyqtyq negiz ja­salyp, «Elektrondyq qujat jáne elektrondyq sıfrlyq qol­tańba týraly», «Poshta týraly», «Baılanys týraly», «Aqparat­tan­dyrý týraly» zańdar qa­byldandy. Aqparattyq kommýnıksııa teh­nologııalarynyń ulttyq sek­to­ryn qalyptastyrý máseleleri aqparattyq jáne kommýnıksııa tehnologııalaryn damytýdyń taıaý jyldarǵa arnalǵan salalyq baǵdarlamasynda kórsetilgen. San­­dyq teledıdar serigi ushyryldy, uıaly telefonnyń úshinshi 3G standarty engizilýde, aýyldyq jerlerde keń jolaqty ınternet jelisin damytý jobasyn iske asy­rýǵa ázirlik jasalýda, elek­tron­dyq úkimet portaly arqyly elektrondyq anyqtama berile bastady. «Sonymen birge, salada kezek kúttirmeı sheshýdi qajet etetin birqatar ótkir máseleler bar», – dedi N.Joldasbaeva jáne ol talqylaý barysynda «Teleradıo habarlaryn taratý týraly» zań jobasynyń tujyrymdamasy boı­ynsha usynystar aıtylaty­nyna já­ne Aqparattyq jáne kom­mýnı­kasııalyq tehnologııalardy damytý baǵdarlamasyn júzege asyrýǵa oraı jaýap beriletinine senim bildirdi. Osyǵan baılanysty senator aýyldyq jerlerdi telefonmen qam­týǵa, baǵa tarıfterine, ınternetke qosýdy arzandatýǵa, aýyl­dyq jerlerde sandyq tele­ra­dıo­habarla­ryna qol jetkizýge, elek­tron­dyq úkimetti engizý másele­lerine nazar aýdardy. Talqylaý barysynda sóz al­ǵan Ekonomıkalyq damý jáne óńirlik saıasat komıtetiniń múshe­si A.Kúze­kov Qazaqstan Respýb­lı­kasyndaǵy aqparattyq-kommý­nı­kasııalyq keshendi damytýǵa oraı birqatar usy­nystar aıtty. Baılanys jáne aqparat mınıstri A.Jumaǵalıev elimizdegi telekommýnıkasııa salasyn damytý jónindegi mekeme qyzmeti týraly kezdesýge qatysýshylardy habardar etti. Kezdesýde sondaı-aq «Qazaq­te­lekom» AQ basqarma basshysy Q.Esekeevtiń aýyldyq jerlerdegi baılanystyń qazirgi jaǵdaıy men keleshegi týraly, Qarjy mı­nıs­triniń orynbasary B.Shol­pan­qulovtyń jalpyǵa birdeı qyz­met kórsetýdi sýbsıdııalaý týraly aqpa­rattary tyńdaldy. Talqylaýdy qorytyndylaı kelip, komıtet tóraǵasy uıaly baı­lanys rynogyndaǵy báse­ke­les­tikti keńeıtý, áleýmettik jo­ba­lardy, jańa baılanys jeli­si­niń quryly­sy, qazirgi baılanys operator­laryna qol jetkizýdi qamtamasyz etý týraly birqatar usynystar aıtty, dep habarlady Parlament Senatynyń baspasóz qyzmeti. Asqar TURAPBAIULY.