Senator Sársenbaı Eńsegenov Atyraý oblysynyń Qyzylqoǵa aýdanynda boldy. Mııaly aýylynda depýtat jergilikti turǵyndarmen, aýdan aktıvimen áńgime ótkizdi. Is-sharaǵa aýdandyq máslıhat depýtattary, ardagerler, oqytýshylar, memlekettik qyzmetshiler, quqyq qorǵaý organdarynyń basshylary, buqaralyq aqparat quraldarynyń ókilderi qatysty.
Sol kúni senator Taısoıǵan aýyldyq okrýgine keldi, sondaı-aq oblystyq mańyzy bar Mııaly – Qarabaý avtomobıl jolynyń qurylysymen tanysty.
Senat depýtaty Álimjan Qurtaev Ońtústik Qazaqstan oblysynda jumys saparymen júr. Shymkentte ol qala turǵyndarymen kezdesý ótkizdi jáne «Naýryz» saıabaǵynyń saltanatty ashylý rásimine qatysty.
* * *
–––––––––––––––––––––––––
Májilistegi «Nur Otan» partııasy fraksııasynyń músheleri Baqytbek Smaǵul, Zaýresh Amanjolova jáne Baqytgúl Hamenova Syr eline jumys saparymen keldi.
–––––––––––––––––––––––––
Depýtattar Qyzylorda qalasyndaǵy «Jan-Araı» agroındýstrııalyq kesheni, «Atameken» balalar aýylynyń jumysymen tanysty. Sonymen qatar, densaýlyq saqtaý salasyndaǵy obektilerge baryp, jumysty damytý boıynsha máselelerdi talqylady.
Kezdesý barysynda májilismender saılaýshylarǵa Parlamenttiń ekinshi sessııasy boıynsha atqarylǵan jumystar jaıynda baıandap, «100 naqty qadam» Ult josparynyń oryndalý barysynan habardar etti. Memleket basshysy N.Nazarbaevtyń Qazaqstan halqyna Joldaýy jáne «Bolashaqqa baǵdar: rýhanı jańǵyrý» maqalasy da basty taqyryptar qatarynan tabyldy.
Halyqtyń jaǵdaıyn jaqsartýǵa baǵyttalǵan Áleýmettik medısınalyq saqtandyrý júıesi, Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy, bilim berý, densaýlyq saqtaý, memlekettik satyp alý zańdaryna ózerister engizý máseleleri de nazardan tys qalmady.
Depýtattar saparlary barysynda tek oblys, qala ortalyqtarynyń ǵana emes, sonymen birge, alys aýyldardyń, shet jaqtaǵy eldi mekenderdiń, Aral, Qazaly, Qarmaqshy aýdandarynyń, Baıqońyr qalasynyń turǵyndarymen birqatar kezdesý ótkizdi.
Aıta keteıik, jýyrda Májilis depýtaty Saýytbek Abdrahmanov Qyzylorda qalasyna baryp, sol jaǵalaýdaǵy qurylys jumystarymen tanysqan bolatyn. Depýtat sondaı-aq Syrdarııa aýdanynda bolyp, jurtshylyq pen etnomádenı birlestikterdiń ókilderimen de júzdesti.
