Júzýden Qazaqstan quramasynyń sapynda Natalıa Zvıagınseva, Ánýar Ahmetov, Dmıtrıı Lı, Erjan Sálimgereev, Shahan Joldasbaev, Baýyrjan Qabaqov, Sııazbek Dálıev, Kırıll Ilıýkevıch jáne Zúlfııa Ǵabıdýllına óner kórsetýde. Chempıonat barysynda Rıo-de-Janeırodaǵy Paralımpıadalyq oıyndardyń jeńimpazy Zúlfııa Ǵabıdýllına erekshe kózge tústi.
Ol fınalda erkin stılde 200 metr qashyqtyqqa júzý kezinde jańa álemdik rekord ornatty, kórsetkishi - 03:26,65 sekýnd. Sonymen qatar, ol erkin stılde 100 metr qashyqtyqqa júzý boıynsha eń úzdik kórsetkish kórsetip, 50 metr qashyqtyqqa shalqalap júzýde ekinshi orynǵa ıe boldy. Aıta keteıik, paralımpıadalyq chempıon Zúlfııa Ǵabıdýllına - júzýden Qazaqstan Respýblıkasynyń halyqaralyq sanattaǵy sport sheberi, QR ulttyq qurama komandasynyń múshesi, 12 márte álem rekordyn ornatqan.
