Qostanaıda ótken Sabantoıǵa Tatarstan prezıdenti qatysty

Aldymen Rýstam Mınnıhanov Qostanaıdaǵy tatar dıasporasy, etnomádenı qoǵamdyq uıymdarynyń, zııaly qaýym ókilderimen kezdesti. Qostanaı oblysynda tatar halqynyń 16 myń ókili, 4 myńdaı bashqurt turady.

unan keıin ol bastaǵan Tatarstan delegasııasy Qostanaı qalasyn irgeletip orap aǵatyn Tobyl ózeniniń jaǵasynan oryn tepken Qazaqstan Táýelsizdiginiń 25 jyldyǵy atyndaǵy demalys saıabaǵynda ótken Sabantoı merekesine qatysty. Merekege tek Tatarstan delegasııasy ǵana emes, Qazaqstannyń ózge shalǵaılarynan da tatar-bashqurt dıasporasy ókilderi shaqyryldy.  

Tatarstannan kelgen qonaqtar saıabaqta jasalǵan «qazaq aýylyna» kelip, qazaq halqynyń ulttyq salt- dástúrlerin tamashalady. Túbi bir týysqan túrki halyqtary bolǵanymen ár ultty ereksheleıtin dástúrleri bar. Tatarstan delegasııasyna halqymyzdyń qolóneri, balanyń tusaýkeseri, ózge de salt-lástúri, qonaqjaılylyǵy kórsetildi. Munan keıin Tatarstan prezıdenti Rýstam Mınnıhanov pen Qostanaı oblysynyń ákimi Arhımed Muhambetov merekege jınalǵan qaýymmen birge qostanaılyq jáne Tatarstan ónerpazdarynyń konsertin tamashalady. Konsert aldynda olar  jınalǵandardy Sabantoı merekesimen quttyqtady.

«Bizdiń oblys pen Tatarstan Respýblıkasy arasynda ekonomıkalyq-mádenı baılanys ornady. Tatar men qazaq–túbi bir týysqan halyq. Sabantoı osy eki halyq arasyndaǵy dostyq pen ıgi baılanystyń  jarqyn kórinisi. Sabantoı Qazaqstandaǵy tek tatarlar men qazaqtardy ǵana emes, basqa da ulystar úshin  jarqyn, byrlyǵynyń basyn qosatyn mereke» dedi oblys ákimi Arhımed Muhambetov.

«Sabantoı qos halyqty biriktirip ǵana qoımaıdy, ol dástúr-saltymyzdy, tilimizdi saqtaýǵa múmkindik jasaıdy.Ár halyq óz ereksheligin saqtaýy, sonymen maqtanýy tıs. Prezıdent Nursultan Nazarbaevtyń dana saıasaty arqasynda Qazaqstanda turatyn ulystar úshin barlyq jaǵdaı jasalǵan. Olardyń ishinde tatarlar da bar. Qazaqstannyń gúldene berýine tilektespiz»  dedi Rýstam Mınnıhanov.

Sabantoıǵa jınalǵan jurtshylyq «qazaq aýylymen» qatar, Aqtamysh aýdany daıyndap ákelgen «tatar aýylyn» da tamashalady. Tatardyń qolóneri, baly, monshasy, qaqtalyp tuzdalǵan qusy, tátti nandary kim kimdi de tamsandyrdy.

Merekede tatardyń ulttyq kúresinen jarys boldy. Onda jeńimpaz atalǵan qostanaılyq Erjan Qabıbýllınov Tatarstan prezıdenti Rýstam Mınnıhanovtyń qolynan Lada Granta jeńil mashınasynyń kiltin aldy.

Qostanaılyq ónerpazdarmen tatardyń «Aqedil» ansambliniń konserti mereke saltanatyn ústemeleı tústi.

Názıra Járimbetova,

«Egemen Qazaqstan»

Qostanaı