Jýrnaldyń negizgi maqsaty – Qazaqstan tarıhyn tanymdyq turǵydan, búgingi sarynǵa saı, jeńil tilde jetkizý. Odan bólek basylym zamanaýı tásildegi ınfografıka, sapaly sýretter jáne áserli dızaınymen erekshelenedi. Alǵashqy sany aıtýly mereke Astananyń týǵan kúnine oraı «Bozoqtan Astanaǵa deıin» degen ataýmen jaryq kórdi. «Qazkontent» AQ Basqarma Tóraǵasy E.Kochetovtiń sózinshe, endi jýrnal qazaq jáne orys tilderinde aıyna bir ret oqyrmandarǵa jol tartady. Sondaı-aq, ol jýrnal: «Árbir ataýly data men tarıhı oqıǵalardy qamtyp otyratyn keń kólemdi jýrnal bolady», dedi. Elektrondy basylymnyń jalpy kólemi – 50 bet.
El súısingen elordamyz 20 jyldyń aıasynda álem moıyndaǵanymen qoımaı, osy ýaqyt aralyǵynda Astana álemdik turǵydaǵy aıtýly oqıǵalar oryn alatyn basty alańǵa aınaldy. Basty shahardyń baǵzy tarıhyna bolsaq, túbi Bozoqtan bastaý alatyn Astananyń ótkeni óte baı ári tereń ekenin portal redaksııasynyń tilshileri tyń izdenistermen tolyqtyryp otyr.
Jańashyl jýrnalda ásem Astananyń taǵylymdy tarıhymen qatar búgingi jarqyn da jaıly ómirinen baıan etetin tyń málimetter, áserli áńgimeler men qyzyqty estelikter, ınfografıkalar jarııalandy.
Tusaýy kesilgen NDH DIGEST jelilik jýrnaly – bolashaqta tereń tarıhymyz ben tuǵyrly táýelsizdigimizdi jyrlaıtyn basty tanymdyq aqparat quraly bolaryna den senimdimiz.
«Egemen-aqparat»
