Ortalyq alańda uıymdastyrylǵan «Astana meniń júregimde», «Petropavl–súıikti qalam» konserttik baǵdarlamalarda Qazaqstannyń halyq ártisi Roza Rymbaeva, «Pesnıary» vokaldyq toby óner kórsetip, jurtshylyqtyń ystyq iltıpatyna bólendi. Olarǵa jergilikti jerlerdegi «Ádemi-aý», «Ekkspromt», «Týǵan jer», «Araı» , «Segiz seri», taǵy basqa bı, halyqtyq ansambl, sımfonııalyq orkestr toptary qosylyp, mereke ajaryn asha tústi.
Tarıhı-ólketaný mýzeıi janyna ornalastyrylǵan Astana–maqtanyshymyz», «Art-býlvar» kórmelerin qyzyqtaýshylar kóp boldy.
.jpg)
London Olımpıadasynyń chempıony Aleksandr Vınokýrov atyndaǵy Sport saraıynan bastalǵan velomarafonǵa 200-den astam adam qatysyp, jeńimpazdar arnaıy júldelerdi ıelendi. «Eń jas veloshabandoz» atalymy boıynsha 4 jastaǵy Egor Parahın sórege birinshi bolyp keldi. Ardagerler arasynda Rashıd Ismaılov jeńistiń eń bıik tuǵyryna kóterildi. «Sportty serik etken otbasy» atalymynda Maıerlerge teń keler eshkim bolmady.
Otandy, eldi, jerdi, týǵan qalany súıýge yntyqtyratyn basqa da sharalar turǵyndar kóńilinen shyǵyp, mereke sońy jalpyhalyqtyq serýenge, sporttyq oıyndarǵa, odan ári Pestroe kóli mańaıynda otshashýǵa ulasty.
.jpg)
О́mir Esqalı,
«Egemen Qazaqstan».
Soltústik Qazaqstan oblysy.
