«О́ńir ekonomıkasyn turlaýly damytý maqsatymen aspan asty elinen 40-qa jýyq iri kásiporyndardy tartýdy kózdep otyrmyz. Osylaısha buǵan deıingi áriptestik baılanysty odan ári tereńdete túsetin bolamyz», deıdi oblys ákiminiń orynbasary Dáýren Jandarbek.
Investorlar qatarynda óńdeý, aýyr mashına jasaý salalarynyń ókilderi de bar. Qosymsha qarjy quıý arqyly eki tarap arasynda taýar aınalymy ulǵaıýmen qatar jańa jumys oryndary da ashylatyn bolady.
«Lýan» kompanııasynyń atqarýshy dırektory Lıý Szıýn Qyzyljar óńiri ókilderimen syndarly áńgime qozǵalǵanyn, óz tehnologııalarymen, jabdyqtarymen kelýge nıetti ekendikterin jetkizdi. Bul eki jaqqa da tıimdi bolmaq. Onyń aıtýynsha, «EKSPO-2017» halyqaqaralyq mamandyrylǵan kórme usynyp otyrǵan ómirsheń jańalyqtar men ozyq tehnologııalardyń múmkindikterin tıimdi paıdalanýdyń mańyzy zor.
«Ishebeı» ǵylymı-tehnıkalyq korporasııasy ózderiniń óndiristik qýattylyǵyn beınerolıkter arqyly dáıektep, aınalysatyn salalar boıynsha túsinikter berdi.
«Lýan» taý-ken kompanııasy – Shansı provınsııasyndaǵy bes iri kómir korporasııalarynyń biri. Jyldyq qarjy aınalymy 20 mıllıard ıýandy quraıdy.
О́mir Esqalı,
«Egemen Qazaqstan».
Soltústik Qazaqstan oblysy.
