3-9 shilde kúnderi qutqarýshylar sýǵa batqan 10 adamdy, sonyń ishinde 5 balany qutqaryp qaldy.
Balalardyń qaza tabýynyń negizgi sebepteri arnaıy jabdyqtalmaǵan jerde shomylý, balyq aýlaýda erejelerdi buzý, sondaı-aq balalardy eresekterdiń qaraýynsyz qaldyrý bolyp otyr.
Balalar eń kóp sýǵa ketken oblystardyń ishinde Aqmola, Aqtóbe, Qyzylorda jáne Ońtústik Qazaqstan oblystary bar. Budan bólek, Qyzylorda oblysynyń Syrdarııa ózeninde, Qostanaı oblysynyń Tobyl ózeninde jáne Batys Qazaqstan oblysynyń Kóshim kanalynda izdestirý jumystary júrgizilýde.
