Inaýgýrasııanyń saltanatty rásimi memlekettik rezıdensııanyń úlken zalynda ótti. Haltmaagıın Battýlga podıýmǵa shyǵyp, qolyna Mońǵolııanyń Konstıtýsııasyn alyp, ant berdi. Sońynan jańa prezıdent sóz sóıledi.
«Men eń aldymen, kedeılik deńgeıin tómendetýmen jáne Mońǵolııa azamattary úshin jańa jumys oryndaryn ashýmen aınalysatyn bolamyn», - dep atap ótti ol.
Haltmaagıın Battýlga óz azamattarynyń pikirin muqııat tyńdap, ulttyq birlikti qamtamasyz etetinin aıtty. «Mońǵolııa ulttyq ónerkásibi damyǵan jáne qysqa merzim ishinde óz ekonomıkasyn kótere bilgen el bolady», - dedi Mońǵolııanyń jańa prezıdenti ınaýgýrasııanyń saltanatynda.
Eske salaıyq, Mońǵolııanyń Konstıtýsııasyna sáıkes prezıdent ókildiginiń merzimi tórt jylǵa sozylady.
