Ońtústik Qazaqstan oblysynda 2018 jyldan bastap 175 aýyl okrýgi ákimdiginiń derbes bıýdjetin engizý josparlanýda. Osyǵan oraı aýdan, qala ákimderine jer ýchaskeleri men kólik quraldaryn tolyq tirkeýden ótkizý tapsyrylǵan bolatyn. Alaıda oblys eldimekenderinde halyqtyń 55 myń 787 dana jyljymaly jáne jyljymaıtyn múlikteri tirkelmegeni anyqtalǵan. Onyń 18 246-sy jer ýchaskeleri bolsa, 13 379-y ǵımarattar, 24 162-sin kólik quraly.
«Bekitilgen is-shara josparyna sáıkes anyqtalǵan jyljymaıtyn jáne jyljymaly múlikti tirkeýden ótkizý bıylǵy jyldyń 1 shildesine deıin belgilengen bolatyn. Alaıda búgingi tańǵa Tólebı aýdanynda nebári 17, Túrkistan qalasynda 94, Báıdibek aýdanynda 64 ýchaske tirkelgen. Túrkistan qalasynda 12, Tólebı aýdanynda 40, Báıdibek aýdanynda nebári 26 ǵımarat tirkeýge alynypǵan. Sozaq aýdanynda 1 182 kólikten birden biri tirkelmese, Otyrar aýdanynda nebári 26, shardara aýdanynda 81, Saıram aýdanynda 1420 kólik quraldary tirkeýden ótken», - dedi ooblystyq ekonomıka jáne bıýdjettik josparlaý basqarmasynyń basshysy Arman Sabıtov.
Jıynda budan bólek, mindetti áleýmettik – medısınalyq saqtandyrý boıynsha aqparattyq –túsindirý jumystarynyń barysy talqylandy. Oblys densaýlyq saqtaý basqaramasynyń basshysy Muqan Egizbaevtyń málimdeýinshe shtab shúsheleri 838 kezdesý uıymdastyrǵan. «Emhanaǵa tirkel de – áleýmettik medısınalyq saqtandyrý júıesidegi mártebeńdi anyqta!» naýqanynda 2 mln. 801 myń adam tirkelip, olarǵa túsindirý jumystary júrgizilgen. Búginge deıin oblysymyzdaǵy 872 783 adamnyń 868 825-niń áleýmettik mártebesi anyqtalyp, aqparattyq derekqorǵa engizilgen. Mindetti áleýmettik saqtandyrý júıesi 2018 jyly engiziletindikten tıisti jumystardy merziminde aıaqtaý mańyzdy.
Eki máseleniń de jaı-japsaryna qanyqqan óńir basshysy aýdan–qala ákimderine naqty tapsyrmalar júktedi.
«Búgingi selektorlyq májiliste kóterilgen eki másele de óte mańyzdy. Elbasynyń tapsyrmasy der kezinde oryndalýy úshin barlyǵymyz jumyla jumys isteýimiz qajet. Kemshilikter oryn alyp otyrǵan aýdan ákimderine bir aı ýaqyt beremin. Osy merzim aralyǵynda barlyq jer ýaskeleri men kólik quraldary tirkeýden ótip, naqty málimet anyqtalýy tıis. Sondaı-aq medısınalyq saqtandýry júıesin nasıhattaý jumystaryn jandandyrýdy júkteımin»,- dedi J. Túımebav.
