1-sýret
Sol kezde osy tósbelgilerdi taǵyp júrgen qurbylarymyzǵa qarap qatty qyzyǵatyn edik. Qazirgi mektep oqýshylarynan sporttaǵy jetistikterin kórsetetin tósbelgi kóre almaı júrmiz. Sportshy bala mektep qabyrǵasynda óziniń sportta jetken jetistigin tanytatyn tósbelgi taǵyp júrse, ol degenimiz, janyndaǵy qurbylarynyń, artynda ósip kele jatqan ini-qaryndastarynyń qyzyǵýshylyǵyn oıatyp, sportqa jeteleıtin belgi emes pe?! Bárimiz de bala boldyq, bala jyltyraqqa áýes, eliktegish bolatynyn bir adamdaı bilemiz. Synyptasy tósbelgi taǵyp júrse, ony kórgen dosynyń da sportpen aınalysýǵa qushtarlyǵy artpaı ma?! Osyny oılaı otyryp, óz basym qaladaǵy sport mamandarymen keńesip edim, olardan aýyz toltyryp aıtarlyq jaýap ala almadym. Ǵalamtor arqyly «SPORT ShEBERI» men «HDSSh» «SShÚ» degen tósbelgilerdi taptym (2-sýret).
2-sýret
Bulardyń ózin sport maıtalmandarynyń keýdesinen kóre almaı júrmin. Tipti, Semeıde men kezdestirgen sportshylarǵa ataǵyn qorǵasa da, «Qazaqstan sport sheberi» tósbelgisi áli berilmegen. Al keńes zamanynda mektep qabyrǵasynda beriletin I,II, III razrıadtty jetistikter múldem alynyp tastalǵan. Muny qalaı túsinýge bolady? Táýelsizdik alý degenimiz, ótkenniń bárin joqqa shyǵaryp, onyń jaqsy jaqtarynan da bas tartý emes qoı?!
Kórshi Reseı mektepterinde I,II,III rarıadtty tósbelgiler sonaý toqsanynshy jyldary qabyldanyp, qoldanysqa enipti. Reseı bul máselege mán berip otyr. Bizde áli joq.
Osynyń bárin paıymdaı kele, mamandyǵym dızaıner bolǵandyqtan, ózim jasaǵan usynys-jobalarymdy Mádenıet jáne sport mınıstrligine usynyp kórdim. Ázirge ol jaqtan habar bolmaı tur. Biraq bul ıdeıanyń áıteýir bir kúni qolǵa alynatynyna senimim mol.
3-sýret
Men jasaǵan jobalardy kórgen adam bul belgilerdiń Qazaqstandy aıǵaqtap turǵanyn birden uǵynatyny sózsiz (3-sýret).
Erlan Ámirbekov
Semeı
