«Bul jerde sarmattardyń ǵıbadathanasy bolǵan. Eki qorǵandy qazǵanymyzda qatar jerlengen er men áıeldiń qańqasy shyqty. Olar osydan 2200 jyl buryn jerlengen. Áıeldiń obasynan altyn, asyl tastar men júzge jýyq monshaq taptyq», deıdi arheolog Marat Qasenov. Stýdentter tapqan jádigerler Halel Dosmuhamedov atyndaǵy Atyraý memlekettik ýnıversıtetiniń mýzeıinde saqtalady.
Qyzylqoǵa aýdanynda oblystyq tarıhı-ólketaný mýzeıi de arheologııalyq zertteý jumystaryn júrgizip jatyr. Mýzeı basshysy Rashıda Harıpova Mııaly qorǵandar tobyna qazba jasaý kezinde qola dáýirine jatatyn sarmat kómbesi tabylǵanyn aıtady. Kómbeden bir qulaǵy janýar beınesinde jasalǵan metall qazan shyqqan. Altyn zergerlik buıymdar men qarý-jaraq, turmystyq zattar da alyndy. Bul jádigerler bizdiń dáýirimizge deıingi eki myń jyl burynǵy kezeńge sáıkes keledi eken. Qorǵandar tobyna zertteý jalǵasyp jatyr.
Jalpy, oblysta sarmat kezeńine tıesili 100-den astam qorǵan áli zerttelgen joq. Qyzylqoǵadan keıin arheologtar Saraıshyq pen Aqtóbe-Laetı qalalarynyń oryndaryna qazba jumystaryn júrgizedi.
Baqytgúl BABASh,
«Egemen Qazaqstan»
ATYRAÝ
