«1 shildeden bastap Mindetti áleýmettik medısınalyq saqtandyrý júıesin engizýge kirisip otyrmyz. Osy baǵytta ınternetke baılanysty jumystardy júrgizý óte mańyzdy. Jalpy, Elbasynyń tapsyrmasy boıynsha qazir «Sıfrly Qazaqstan» baǵdarlamasy turǵysynda úlken jumystar atqarylýda. Onyń ishinde, áleýmettik salaǵa, ásirese, densaýlyq saqtaýǵa aýqymdy túrde kóńil bólinýde. Bul tek Úkimetke, mınıstrlikke ǵana qoıylyp otyrǵan maqsat emes, sonymen qatar óńirlermen birlese otyryp jasaý kerek. Sol sebepti óńirlerde ınfraqurylymdyq jumystardyń barlyǵyn aıaqtaýdy suraımyn», dedi Saǵyntaev.
Osy oraıda Úkimet basshysy oblys ákimdikteri bul baǵytta atqarylatyn jumystardyń barlyǵyn pysyqtap, jyl sońyna deıin ınfraqurylymmen jáne kompıýterlik tehnıkamen qamtamasyz etýi tıis ekendigin atap ótti.
«Aqparat jáne kommýnıkasııalar mınıstriligi men Densaýlyq saqtaý mınıstrligi múddeli ortalyq, jergilikti atqarýshy organdarmen birlese osy jyldyń 1 qarashasyna qaraı aqparattyq júıelerdiń ıntegrasııasyn aıaqtaýy qajet. Bul rette, Qordyń turaqty jumysyn qamtamasyz etý kerek. Sebebi, ol bizde 2018 jyldyń 1 qańtarynan belsendi jumysyn bastaıdy. Osy baǵytta aqparattyq júıelerdegi ıntegrasııasyz alǵa jyljýymyz múmkin bolmaıdy. Sondyqtan osy jumysty baqylaýǵa alýdy júkteımin», dep túıindedi sózin Baqytjan Saǵyntaev.
