«Elbasy halyqqa Joldaýynda bıyl jyl sońyna deıin barlyq dári-dármek ónimderiniń baǵasyn retteý týraly tapsyrma bergen bolatyn. Mınıstrlik ulttyq dárilik saıasatty júzege asyrý boıynsha jospar ázirledi. Búgingi kezde preparatqa esh baqylaýsyz baǵa qoıý júıesi qalyptasqan. Buǵan óndirýshilerdiń dárige kez kelgen baǵany belgileýi dálel. Sondaı-aq, dárihanalar sol preparattarǵa qalaǵanynsha baǵa qosýǵa quqyly. Osynyń saldarynan bir qalada ornalasqan dárixanalardyń baǵa aıyrmashylyǵy 20 paıyzǵa deıin jetedi. Al naqty bir dári-dármektiń tapshylyǵy týyndasa, ústeme baǵa 200 paıyzǵa deıin ósip ketedi. Bolgarııada týra sondaı preparattyń baǵasy 45 paıyzǵa arzan bolady. Sebebi, ol jerde dári-dármekterdiń shekti baǵasy belgilengen», dedi Birtanov Úkimet otyrysynda.
Onyń aıtýynsha, aldaǵy ýaqytta elimizde medısınalyq preparattardyń shekti baǵasyn engizý josparlanǵan. Ol úshin tıisti zań jobasy da daıyn. Qazirgi kezde ony talqylaý jumysy qolǵa alynyp otyr.
«Osy jyldyń qyrkúıek aıynda biz atalǵan zań jobasyn Parlament Májilisiniń qaraýyna engizýdi kózdeımiz. Al kelesi jyldan bastap Qazaqstanda dári-dármekterdiń shekti baǵasy engizý kerek», dep atap kórsetti Eljan Birtanov. Osy oraıda mınıstr Úkimet basshysynyń qoldaý kórsetýin surady.
