"Resmı statıstıka málimetterine sáıkes, maýsymnyń sońynda áleýmettik mańyzy bar azyq-túlik taýarlarynyń baǵasy jyl basyna qaraǵanda 7 paıyzǵa ulǵaıdy. Jyl basynan beri pııaz - 81,1 paıyzǵa, kartop - 74,9 paıyzǵa, qyryqqabat - 61,2 paıyzǵa, sábiz - 38,1 paıyzǵa, sıyr eti - 10,7 paıyzǵa óskeni baıqalady", dedi Tımýr Súleımenov.
Mınıstrdiń sózine qaraǵanda, onymen bir mezgilde birqatar azyq-túlik ónimderiniń baǵasy arzandap otyr. Máselen, taýyq jumyrtqasynyń baǵasy - 26,9 paıyzǵa, qaraqumyq - 19,7 paıyzǵa, kúnbaǵys maıy - 7,6 paıyzǵa, qant 1,3 paıyǵa tómendedi. Azyq-túlik baǵasynyń qymbattaýyna birneshe sebep bar. "Ár jyldyń ekinshi toqsanynda turaqtandyrý qorlary azaıa bastaıdy. Al jańa ónimniń baǵasy qymbat bolady. Budan bólek, bıyl pııaz, kartop, qyryqqabat sııaqty azyq-túlik ónimderin О́zbekstanǵa eksporttaý kólemi ulǵaıyp otyr", - dep atap kórsetti Tımýr Súleımenov.
