Búginde óńir aýmaǵyndaǵy jol boıynda 142 nysan qyzmet kórsetedi. Olardyń 123-i respýblıkalyq mańyzy bar joldardyń boıynda ornalasqan. Oǵan janar-jaǵarmaı quıý beketteri, tehnıkalyq qyzmet kórsetý stansalary, dámhanalar, qonaqúıler, taǵy basqa obektiler kiredi.
Vedomostvo basshysynyń esebin tyńdap bolǵannan keıin Qumar Irgebaıuly jol boıyndaǵy servıstik qyzmet kórsetý nysandarynyń besten biri ǵana ulttyq standart talaptaryna sáıkes keletinin atap kórsetti.
«Petropavldan Astanaǵa deıin taqtaıdaı joldyń tartylǵanyna qaramastan servıstik qyzmet burynǵy kúıinde qalyp otyr. Sanıtarlyq-gıgıenalyq tazalyqty aıtpaı-aq qoıaıyq, jóni túzý tústenetin, damyldaıtyn nysandar joqtyń qasy», dedi aımaq basshysy.
Q. Aqsaqalov shekaralyq aımaqtardyń kórkin qalaı bolsa solaı ornatylǵan vagon-úıshikter qashyryp turǵanyn, olarda qyzmet kórsetetin saqtandyrý mekemelerin jedel kóshirýdi, jaǵdaıdy tez arada túzetýdi qatań tapsyrdy.
О́mir ESQALI,
«Egemen Qazaqstan»
