Kórmege qarý-jaraq óneriniń úzdik týyndylary qoıylǵan. Ekspozısııada 70-ten astam zat: Túrkııadan, Irannan, Úndistannan Japonııadan, Fransııadan, Italııadan jáne de ózge memleketterden jaýyngerlik, ańshylyq, sherýlik qarýlar jetkizildi dep habarlady Astana qalasy ákimdiginiń medıa ortalyq tilshisine QR Ulttyq mýzeıiniń ekskýrsııalyq qyzmet kórsetý bóliminiń ádiskeri Qumar Júnisov.
-Kórmeniń jylnamalyq shegi qarý-jaraq qolóneriniń 400-den astam jyl boıǵy damý tarıhı kezeńin – XV ǵasyrdan XIX ǵasyr sońyna deıin qamtıdy, - dedi Q.Júnisov.
Kórme qarýlardyń damý tarıhynan jáne olardy jasaýshy sheberlerdiń talantynan syr shertedi.
-Eksponattar arasynda erekshe qarý bar – ol Napoleon Bonaparttyń semseri bar. Ony ol ımperator I Aleksandrǵa Tılzıttik beıbitshilik kelisimine qol qoıý kezinde syıǵa tartqan,- dep atap ótti Júnisov.
Qarý-jaraq óneriniń ekspozısııasy halyqaralyq EKSPO kórmesiniń ótýine oraılastyrylǵan jáne 20 qyrkúıekke deıin jalǵasady.
