Festıval aıasynda saǵat 12:00-21:00 aralyǵynda 30-ǵa jýyq qazirgi zamanǵy qazaqstandyq dızaıner alańda ornatylǵan shoý-rýmdarda ózderiniń kıim jıyntyqtaryn kópshilik nazaryna usynady.
Saǵat 16:00-den 17:00-ge deıin belgili ımıdjmeıker Janna Ahmetova stıl boıynsha tegin sheberlik synybyn ótkizedi, al make-up sheberleri minsiz makııaj jasaý qupııalarymen bólisedi. Vızajdan sabaqqa saǵat 17:00-18:30 aralyǵynda qatysýǵa bolady.
Festıvaldiń sharyqtaý shegi tanymal dızaınerlerdiń ashyq aspan astynda ótetin sándi kıimder kórsetilimi bolmaq. «EXPO FASHION FEST» sharasyna kelýshiler nazaryna SAMIDEL, DeGuise, AYANA style, Avventurista, Ainel jáne Zhamili Kapanova ulttyq brendteri ózderiniń sońǵy kıim úlgilerin usynatyn bolady. Kórsetilim saǵat 19.00-de bastalady.
Aıta keteıik, sándi kıim kórsetiliminen basqa festıvaldi tamashalaýǵa jınalǵan qaýym qazaqstandyq estrada artısteriniń jáne bı ujymdarynyń qatysýymen oıyn-saýyq baǵdarlamasyn tamashalaıdy, sondaı-aq, dızaınerlerden syılyqtar men júldeler utysyna qatysady.
