Erjandy jerlesteri jigeri mol, qajyr-qaıraty muratyna jetkizgen rýhy bıik jan retinde jaqsy biledi. Toǵyz jasynda alańsyz oıyn oınap júrip, elektr togyna tartylyp qalǵan ol bir aıaǵy men bir qolynan aıyrylǵan. Biraq taǵdyrdyń qatal syny órimdeı jasty jasytpady. Arbaǵa tańylyp qalǵan kúnderinde de sáýleli erteńine sendi. Aıaǵynan turdy. "Oqysam, bilsem" degen qulshynysy mektep partasyna qaıta oraltty. Stýdent boldy. Joǵary bilim aldy. Qyzmetke ornalasty. Kishkene kezinen fýtboldy jany súıetin Erjan ómirine sportty serik etýmen keledi. Instıtýt qabyrǵasynda júrip oblystyq múgedekter sport klýbyna baryp, sýǵa júzýmen aınalysty. Damır Eshenqulov, Baýyrjan Aqynbek, Nurlan Jumaǵazıev syndy jattyqtyrýshylary da Erjannyń jigerin janyp, talaı dúbirli dodalarda jeńip shyǵýyna qoldaý kórsetip júr. Berlındegi halyqaralyq jarysta ozyp shyqqan sportshy álem chempıonatyna joldamany utyp aldy.
-Múmkindigi shekteýli jandardyń sportpen aınalysýyna oblysta barlyq jaǵdaı jasalǵan, - deıdi múgedekter sport klýbynyń basshysy Qonysbaı Shpanov. – Erjan Sálimgereev – bizdiń maqtanyshymyz. Endi Meksıkada ótetin álem chempıonatynda da Erjanǵa jankúıer bolamyz, jeńis tileımiz.
.jpg)
Baqytgúl Babash,
«Egemen Qazaqstan».
Atyraý.
