Bes kúnge josparlanǵan baǵdarlamada 20-dan astam ár túrli qoıylymdar men konsertter, defıle men qolóner sheberleriniń kórmesi bar, - dep habarlaıdy Atyraý oblystyq óńirlik kommýnıkasııa qyzmeti.
О́ner aptalyǵynyń shymyldyǵy 16 shilde kúni saǵat 11.00-de Kongress-holda D.Nurpeıisova atyndaǵy akademııalyq qazaq ult aspaptar orkestriniń «Kúı-kerýen» atty konsertimen ashylady. Sol ýaqytta Kongress-holl aldyndaǵy alańda N.Jantórın atyndaǵy oblystyq fılarmonııanyń úrmeli aspaptar orkestri óner kórsetedi. Al 12.30-da «Aısulý» sán úıi toptamasynyń defılesin tamashalaýǵa bolady. Astanadaǵy alǵashqy kún EKSPO-2017 kesheniniń amfıteatrynda ótetin «Atyraý aıshyqtary» gala konsertimen aıaqtalady. Bastalý ýaqyty: 21.30.
Kongress holl ǵımaratynda 16-17 shilde kúnderi Atyraý oblysynyń birneshe kórmesi kópshilik nazaryna usynylady. О́ńir tarıhy týraly oblystyq tarıhı-ólketaný mýzeıiniń ekspozısııasy qoıylady, al Sh.Sarıev atyndaǵy qoldanbaly-sándik óner mýzeıi EKSPO taqyrybyna salynǵan sýretter kórmesin uıymdastyrady. Oblys kitaphanalary kitap jármeńkesin, oblystyq memlekettik muraǵat aımaqtyń jetistikteri men tabystary jaıly qujattar kórmesin jasaıdy. Kórmeler saǵat 11.00-de bastalady.
17 shildede mádenı sharalar legi N.Jantórın atyndaǵy oblystyq fılarmonııanyń «Naryn» halyq aspaptary orkestriniń konsertimen bastalady. Orkestr Báıterek monýmentiniń aldyndaǵy alańda saǵat 19.00-de óner kórsetedi. Dál osy ýaqytta «Jastar» teatrynda Mahambet atyndaǵy oblystyq qazaq drama teatrynyń «Súıinbaı» dramasynyń premerasy qoıylady.
18 shildede negizgi sharalar etnoaýyl aýmaǵynda ótedi dep josparlanyp otyr. 15.00-de «Aısulý» sán úıiniń defılesi bul kúngi baǵdarlamany ashady. 15.30-da D.Nurpeıisova atyndaǵy akademııalyq qazaq ult aspaptar orkestriniń konserti, 16.30-da Qurmanǵazy, 17.30-da Inder, 18.30-da Maqat aýdany ónerpazdary daıyndaǵan konserttik baǵdarlama kórermenderin kútedi. 19.30-da atyraýlyq kompozıtorlardyń ánderinen konsert ótedi.
Bul kúni sondaı-aq, qala alańdarynda aımaqtaǵy etnomádenı birlestikter daıyndaǵan merekelik shara bolady, ol 17.00-de bastalady. Kórermender Atyraý jerinde tatý-tátti turmys keship jatqan san túrli ult pen ulys ókilderiniń ónerlerin, ulttyq kıimderin, ánderi men bılerin tamashalaı alady. Shara 18.00-de bı merekesimen jalǵasady. 20.00-de oblystyq fılarmonııa ártisteriniń qatysýymen konsert jáne teatrlandyrylǵan kórinis kórsetiledi.
19 shildede saǵat 19.00-de Gorkıı atyndaǵy orys teatrynda dramatýrg Málik Otarbaevtyń «Baıandy baq» spektakli qoıylady. Sol ýaqytta qala alańdarynda oblystyq fılarmonııanyń estradalyq orkestriniń qatysýymen merekelik baǵdarlama ótedi.
Atyraý oblysynyń Astanadaǵy mádenı kúnderi 20 shildede Báıterek monýmenti aldyndaǵy alańda qorytyndylanady. Saǵat 19.00-de Astana turǵyndary men qonaqtaryn «Án-arman Atyraý» atty merekelik konsert kútedi.
Baqytgúl Babash,
«Egemen Qazaqstan».
Atyraý
