Astana medıa ortalyǵyndaǵy qalalyq bilim berý basshysynyń mindetin atqarýshy Anýar Janǵozınniń aıtýynsha, ótken oqý jyly Astananyń mektepterinde 9 588 orynǵa jetispeýshilik baıqalǵan, bıyl bul kórsetkish 17 myńdy quraýy múmkin.
«1-shi synypqa keletin oqýshylar sanynyń kúrt ósýine jáne kóshi-qon máselesine baılanysty qala mektepterinde 2017-2018 oqý jylynda boljam boıynsha 17 myń oryn jetispeıdi», – dedi A. Janǵozın.
Elorda ákimdigi mektepter men baqshalarda oryn jetispeýshilik máselesin keshendi túrde sheshýde. Osylaısha 2017-2018 oqý jyly 2600 orynǵa shaqtalǵan 5 mektepti paıdalanýǵa berý josparlanǵan. Sondaı-aq elordada jyl saıyn kem degende 10 jańa mektep salynatyn bolady.
«6 mekteptiń qurylysy bastaldy, jyl sońyna deıin 4 bilim ordasyn salý josparlanýda. Jalpy alǵanda 11 myń orynǵa arnalǵan 10 mektep salynady, ol 2018-2019 jyldary paıdalanýǵa beriledi. Oǵan qosa 13 mekteptiń jobasyn iske asyrý boıynsha jumys bastalyp ketti. Bizdiń josparymyzda – jyl saıyn 13-14 mektepti paıdalanýǵa berý», – dedi A. Janǵozın.
