Áńgime barysynda Qazaqstan Prezıdenti óńirdegi qaýipsizdikti qamtamasyz etý úshin arnaýly qurylymdardyń halyqaralyq deńgeıde yntymaqtasýy men ózara is-qımyl jasaýynyń mańyzdylyǵyn atap ótti.
– Aldymyzda ortaq mindetter tur. О́zara yntymaqtastyqta bolýymyz qajet. Qazir kúrdeli kezeńde ómir súrgendikten, problemany jeke-dara sheshý de qıyn. Elderińizdiń prezıdentterimen jaqsy qarym-qatynastamyn, sondyqtan biz barlyq máseleni birigip sheship kelemiz, – dedi Nursultan Nazarbaev.
Sońynda Elbasy TMD elderi arnaýly organdarynyń jetekshilerine saltanatty sharaǵa qatysqandary úshin alǵys aıtyp, sol elderdiń basshylaryna óziniń jyly lebizin jetkizýdi surady.
