Aýyl sharýashylyǵy ónimderin qaıta óńdeý máseleleri jónindegi keńes barysynda agro qaıta óńdeýdi ındýstrııalandyrý, sonymen qatar, oblystar men aýdandar turǵysynan 2017-2021 jyldarǵa arnalǵan aýyl sharýashylyǵy ónimderin qaıta óńdeý kartasynyń jobasy qaraldy.
* * *
«Sıfrly Qazaqstan» memlekettik baǵdarlamasynyń jobasy aıasynda ekonomıkanyń negizgi salalaryn sıfrlandyrý máseleleri jónindegi keńes barysynda AО́K elektrondy saýdasyn damytý, kedendik ákimshiliktendirýdi jetildirý jáne elektrondy maǵlumdaýǵa aýysý, ShOB negizgi qyzmetin sıfrlandyrýǵa yntalandyrý, sonymen qatar energetıka salasynda jobalardy quryp, engizý máseleleri talqylandy.
Premer-Mınıstrdiń orynbasary – Aýyl sharýashylyǵy mınıstri A.Myrzahmetov, Energetıka mınıstri Q.Bozymbaev, Qarjy mınıstri B.Sultanov, Ulttyq ekonomıka mınıstri T.Súleımenov memlekettik organdardyń jumystyń sıfrly formatqa aýysýyna baılanysty tásilderi týraly baıandady.
Keńes qorytyndysy boıynsha Premer-Mınıstr Baqytjan Saǵyntaev birqatar naqty tapsyrmalar berdi.
* * *
Keshe sondaı-aq, ekonomıkany jańǵyrtý jónindegi memlekettik komıssııanyń otyrysy ótti.
Otyrys barysynda Qazaqstandy Úshinshi jańǵyrtýdyń jobalyq basqarý máseleleri talqylandy. Qazaqstan ekonomıkasynyń salalaryn sıfrlandyrý men tehnologııalyq jańartý, ónimdi jumyspen qamtamasyz etý, sonymen qatar, jappaı kásipkerlikti damytý salalaryndaǵy jobalardy iske asyrý jónindegi bastamalardyń josparlary qaraldy.
Otyrys aıasynda Ulttyq ekonomıka mınıstri T. Súleımenov, Eńbek jáne halyqty áleýmettik qorǵaý mınıstri T.Dúısenova, Aqparat jáne kommýnıkasııalar mınıstri D. Abaev, Investısııalar jáne damý mınıstri J. Qasymbek sondaı-aq, Bilim jáne ǵylym vıse-mınıstri B.Asylova baıandamalarymen tanystyrdy.
