Jıynda ulttyq kompanııanyń basqarma tóraǵasy Maqsat Qabashev esepti merzim ishinde sheteldik ınvestorlarmen bıznes-jobalardy ashý boıynsha 90 kezdesý uıymdastyrylǵanyn málimdedi. «Kezdesýlerdiń deni Qazaqstan ekonomıkasynyń mashına jasaý, farmasevtıka, hımııa, munaı-hımııa, agroónerkásip, metallýrgııa, óńdeý ónerkásibi sııaqty basym salalaryna ınvestısııa tartýǵa baǵyttaldy. Sheteldik kompanııalarmen 22 yntymaqtastyq týraly kelisimge qol qoıyldy. Amerıkalyq, brıtanııalyq, nemis, ıspan, qytaı jáne túrik ınvestorlary Qazaqstanda óz bıznesterin júrgizýge qyzyǵýshylyq bildirdi», deıdi ol. M.Qabashevtiń aıtýynsha, 2017-2018 jyldary quny 7,7 mlrd AQSh dollaryn quraıtyn 16 ınvestısııalyq jobany iske asyrý josparlanyp otyr. Sondaı-aq, sheteldik ınvestorlardy tartý ǵana emes, óńirlerdegi ınvestorlardy qoldaý boıynsha da jumystar atqarylǵan.
Kompanııanyń sheteldik ókilderi AQSh, Qytaı, Túrkııa, Kanada, Brazılııa, Meksıka syndy memleketterdiń áleýetti ınvestorlarymen 160-tan astam kezdesýler men kelissózder júrgizgen. Qazaqstanǵa amerıkalyq, túrik jáne qytaı transulttyq kompanııalary ókilderiniń saparlary uıymdastyrylǵan. «Solardyń bir nátıjesi, jaqynda Qazaqstanda túrik bıznesi jobalarynyń iske qosylýy josparlanýda. Munda tartylatyn ınvestısııalardyń kólemi shamamen 36 mln dollardy qurasa, bolashaqta 300-ge jýyq jumys orny ashylady», dedi «Kazakh Invest» ókili. Ol jyl sońyna deıin 6 reınvestısııalyq jobalar iske qosylatynyn aıtyp, óńirlerde de ınvestorlardy qoldaý boıynsha aıtarlyqtaı jumystar atqarylǵanyn jetkizdi. 1 sáýir men 11 shilde aralyǵynda kompanııanyń óńirlik bólimimen 115 kezdesý ótip, ınvestorlardyń 74 máselesi qaralǵan. Onyń ishinde vızalyq qoldaý, lısenzııalar alý merzimderin ońtaılandyrý, sertıfıkat resimdeý, ShJK tartý, ónimdi ótkizý, kedendik preferensııalar, jer telimin resimdeý, gazdandyrý, ınfraqurylym sııaqty 22 másele oń sheshimin taýypty. Qazirgi tańda taǵy 52 másele jumys ústinde kórinedi.
«Qazaqstandyq eksportty súıemeldeý, ilgeriletý jáne damytý salasynda qazaqstandyq bıznestiń qatysýymen 146 jergilikti, 600 sheteldik kompanııa-
ny qamtıtyn 10 elde 16 eksporttyq shara ótti. Qol qoıylǵan eksporttyq kelisimsharttar quny 95,4 mln dollaryn qurady», dedi M.Qabashev.
«Adal adamdar eliniń» merekesi
EKSPO-2017 qalashyǵyndaǵy ulttyq merekeler legi jalǵasýda. Kúni keshe Afrıkadaǵy Býrkına-Faso memleketi tól kúnderin atap ótti. О́zderin «adal adamdar eli» dep áspetteıtin olardyń merekesinde eki eldiń týy kóterilip, ánurany shyrqaldy.
Halyqaralyq kórmege kelýshiler Afrıka plaza pavılonyn aralap, Býrkına-Faso elinde qoldanylatyn balamaly qýat kózderimen tanysty. Sondaı-aq, pavılon aldyna jıylǵan kórermen-qaýym afrıkalyq ónerpazdardyń konsertin tamashalady.
Memleketten kelgen delegasııanyń jetekshisi Issa Bendjamın Bagýıan sharanyń resmı bóliminde sóz sóılep, Qazaqstan basshylyǵyna sheksiz alǵysyn jetkizdi. «Osyndaı aýqymdy halyqaralyq kórmege qatysyp jatqan Býrkına-Faso eli úshin bul – úlken múmkindik. Balamaly qýat kózderinen biz kún energııasyn jıi paıdalanamyz. 2030 jylǵa deıin eldegi kún stansalaryn kóbeıtýdi josparlap otyrmyz. Oǵan tehnıkalyq jobalar da daıyn. Investısııa tartý maqsatynda elde kásip júrgizý jaǵdaıyn jeńildettik», dedi ol.
Býrkına-Faso elinde balamaly qýat kózderi qatarynda kún energııasy men bıomassa qaldyqtary jıi qoldanylady. Afrıkanyń batysynda ornalasqan memleket Qazaqstanǵa geografııalyq ornalasý jáne halqynyń sany jaǵynan uqsas bolyp keledi. Buryn Joǵary Volta Respýblıkasy atanǵan el 1984 jyly ataýyn Býrkına-Faso dep ózgertken. Pavılonda maqtanyń kóp kezdesýi bul eldiń Afrıka qurlyǵynda maqta óndirýden alǵashqy orynda ekeninen habar beredi.
Halqynyń 90 paıyzy aýyl sharýashylyǵymen aınalysatyn Býrkına-Faso eliniń pavılonyna qyzyǵýshylyq tanytyp, sol elden ákelingen bazarlyqtardy satyp alyp jatqandar jeterlik. Shara kezinde osy elden kelgen ónerpazdar jınalǵan jurtty ózgeshe ónerlerimen tánti etti.
Toptamany daıyndaǵan
Ashat RAIQUL,
«Egemen Qazaqstan»
Sýretterdi túsirgen
Erlan Omarov,
«Egemen Qazaqstan»
