Qazaqstanmen tanysý jyly

El men eldi jaqyn­das­tyryp, adamdardyń ózara túsinistigin arttyrýǵa septigin tıgizetin ıgi  nárse bul dúnıede az emes qoı. My­sa­ly, Máskeýdiń kelesi jyly paıdalanýǵa beriletin bir met­rostansasyn Qazaqstan el­shili­gi­niń bastamasymen «Almaty» dep ataýǵa qol jetkizilgendigi týraly jaq­sy habar jarııa bolǵannan beri osy mańaıdaǵy Brateevo aý­da­nynda  turatyn más­keý­likterdiń  elimizge degen yqylasy buryn­ǵy­dan da artyp,  qazaqstan­dyq­tardy     ja­qyn tartyp, ózara ty­ǵy­zyraq qarym-qatynas ja­saý­ǵa bet burǵandyq baıqalady. Brateevo – Máskeý qala­sy­nyń quramyna 60-jyl­da­ry kirgen shaǵyn selonyń aty. Áýeli   mý­nı­sıpaldy ok­rýg bol­ǵan, keıin aýdanǵa aınal­ǵan. Al Brateevo ataýy­nyń qaı­dan shyqqandyǵy jó­nin­degi    ańyzǵa boılap kór­­se­ńiz, bári de adamı  týys­­qan­dyq­tan (aǵaıyndy eki jigit, Brateı esimdi adam, belgili tulǵanyń ini­siniń aty) taraı­tynyn baı­qaı­syz.  Soǵan qa­raǵanda, bo­la­shaq «Almaty» metro stan­sasy­nyń týysqan­dyq­­pen baı­la­­nysty jerde paı­da bolýyn jaratylystyń ózi aldyn ala zańdastyrǵan sııaq­ty... Elshiliktiń bastamasy­men jú­ze­ge asyrylǵan ja­ńa­sha baılanys  osy aýdan­daǵy №975 mektep – bilim orta­lyǵynyń  ústimizdegi jyl­dy Qazaqstanmen tany­sý jyly dep jarııalaýynan  serpin aldy. Bilim uıasyn­da­ǵy  sal­ta­nat­ty lıneıkaǵa qa­tysqan elshi Zaýyt­bek Tu­rys­bekov  us­tazdar qaýy­my men oqý­shy­larǵa Qazaq­stan  tarıhy, elimizdegi áleý­met­tik-ekonomıka­lyq ózgeris­ter, qazirgi zamanǵy bilim berý júıesi týraly, ult­tyq má­denıet pen halyqtyq dás­túr-salt, ádet-ǵu­ryptar jóninde, sondaı-aq eki el arasyndaǵy qarym-qaty­nas­­tar­dyń damý bolashaǵy jaı­ynda  ke­ńi­nen áńgimeledi. Mek­tep dırek­to­ry Aleksandr Pımenov­tiń pikirinshe, mun­daı yn­tymaqtastyq mek­tep úshin de, mektep oqý­shy­­lary úshin de óte paıdaly. Qa­zaq­stan­men tanysý jyly mektep ujymyna ejelgi kórshi – táýelsiz Qazaqstan memleketi týraly  kóp­tegen jańa da tyń maǵ­lu­mat­tar alýǵa jol asha­dy, aralas-qura­las­tyqty  art­tyrady,  jetkinshek ur­paqtyń  jan-jaqty jetilýine járdem­desedi, deıdi ol. Sondaı-aq taıaýda elshilik jer­gilikti  ákimshilikpen birlesip Brateevo aýdany tur­ǵyndarynyń qatysýy­men ataqty 8-shi gvar­dııalyq dıvızııanyń Máskeý  úshin shaıqastaǵy uly erligine 70 jyl tolýyna arnalǵan is-shara ótkizdi.  Jurtshylyq aldynda sóz sóılegen elshi Z.­Tu­rys­be­kov, Brateevo aýda­nynyń basshy qy­z­met­kerle­ri, basqa da  reseılik aza­mattar búgingi tańdaǵy Qa­zaq­stan-Reseı baılanys­tary­na, Uly Jeńiske qol jetkizgen dostyq pen týys­qandyq  jaıyna, 8-shi gvar­dııa­lyq dıvızııa jaýynger­leriniń tarıhı erligine aı­ryqsha toqtaldy. Almaty kó­shesine taıaý jerdegi úl­ken saıabaqtyń ashyq ala­ńynda atalǵan is-shara sheń­berinde uıymdastyrylǵan  merekelik konsertte  alǵash ret Alma­tyda tusaýy kesilgen  ataqty «A-stýdıo» to­by­nyń   ónerpaz­da­ry  kóp­shi­lik qurmetine bólendi. Bolashaq «Almaty» me­tro­stan­sasy óz ataýymen bú­kil Qa­zaqstandy beıneleıtinin eskersek, endi kóp uzamaı  ózara baı­la­nys­tary­myzdyń órisi  burynǵy­dan da keńeı­ip, týysqandyqtyń taǵy bir tór­ki­ni  Máskeýdiń Brateevo aýda­ny  bolatyndyǵyna  qa­zir­den-aq kóz jetkizýge bolady. Serikqalı BAIMENShE. Máskeý.