Ondaǵy maqsat - Ońtústik Qazaqstan oblysynda jemis-jıdek saqtaý qoımalaryn salyp, alma baqtaryn, óńdeý kásiporyndary men aralas óndiristi damytý bolyp tabylady.
Sharaǵa Ońtústik Qazaqstan oblysynyń ákimi Janseıit Túımebaev, «Agrarlyq nesıe korporasııasy» AQ basqarma tóraǵasy Narmuhan Sarybaev, «Shymkent» áleýmettik-kásipkerlik korporasııasy»UQ» AQ basqarma tóraǵasy Aıtmuhammed Aldajarov qatysyp, aldaǵy atqarylar jumystardy naqtylady.
Úshjaqty kelisimge saı Ońtústik Qazaqstan oblysynyń ákimdigi jer ýchaskelerin berip, ınfraqurylym men ǵımarat qurylysyna jaýapty bolsa, «Shymkent» áleýmettik-kásipkerlik korporasııasy»UQ» AQ jobanyń operatory retinde ınvestorlar tartyp, qarjy bólip, agrosalada eńbek etip júrgen sharýa qojalyqtarymen kelisimge turýdy óz moınyna alyp otyr. Al, «Agrarlyq nesıe korporasııasy» AQ klıentterdi tartyp, eksportqa baǵdarlanǵan «AgroEksport» baǵdarlamasy boıynsha jeńildikpen qarjylandyrý jumystaryn júzege asyrmaq.
Bul kelisim óz kezeginde óńirimizdegi baý-baqsha sharýashylyǵyn damytyp, joǵary mýltıplıkatıvtik nátıjege qol jetkizýge septigin tıgizeri sózsiz. Bul – konteıner jasaý, qaptaý, tehnıkany qurastyrý, tamshylatyp sýarý jáne taǵy basqa óndirister boıynsha jobalardy qurýǵa múmkindik beredi.
