Kásipkerlik jáne týrızm basqarmanyń mamandary mundaı qymbatshylyqty kóterme saýda jáne tasymal baǵasynyń ósýimen baılanystyrady.
Ásirese, qantqa suranys óte joǵary. Baǵa kún saıyn qubylyp barady. Onyń bir kılosy 235 teńgeden 257 teńgege kóterildi.
«19 azyq-túlik túrleri boıynsha ákimdiktik pen saýda oryndary arasynda memorandým jasalyp, baǵany yryqtandyrýdyń sharalary qarastyrylǵan. Baǵany 10 paıyzdan asyrmaý mindettemesi qatań baqylaýǵa alynǵan. Búgingi kúni turaqtandyrý qoryna 884 tonna qant jetkizilip, 340 tonnasy taratyldy. Budan tysqary 350 mıllıon teńgege 100 tonna qaraqumyq, 68 tonna kúrish, 104 tonna ósimdik maıy satyp alyndy», deıdi saýdany damytý bóliminiń jetekshisi Murat Nurqanov.
Jyl basynan beri oblys ortalyǵynda 115 aýyl sharýashylyq jármeńkeleri uıymdastyrylyp, 156,3 mıllıon teńgeniń azyq-túlik ónimderi saýdalanǵan. Munda baǵa 20-30 paıyzǵa arzan.
О́mir ESQALI,
«Egemen Qazaqstan»
Soltústik Qazaqstan oblysy.
