Memleket basshysy sút-taýar fermasyn aralap, onda saýyn zaly men sút qabyldaıtyn sehty kórdi.
Sondaı-aq, Elbasy oblystaǵy aýyl sharýashylyǵy ónimderin óndirýshilerdiń jetistikterimen tanysyp, óńirdiń sharýalarymen áńgimelesti.
– Shyǵys Qazaqstan oblysy ekonomıkamyzdyń agrarlyq sektorynda erteden qalyptasqan berik dástúrge ıe. Qazaqstanda aýyl sharýashylyǵy salasynyń áleýeti zor, bolashaqta bul salaǵa degen suranys arta túsedi. Qazir biz úshin Qytaı Halyq Respýblıkasynyń orasan zor naryǵy ashyq, sizder shyǵaratyn ónim shet elderge eksporttala alady, – dedi Nursultan Nazarbaev.
Sońynda Memleket basshysy kezdesýge qatysýshylarǵa baq-bereke jáne óndiriste jańa jetistikter tiledi.
***
«Maıly daqyldardyń tájirıbelik sharýashylyǵy» JShS-i kúnbaǵys dánin ósirip-óndiretin sharýashylyq bolyp tabylady ári tańdaýly tuqym sharýashylyǵy mártebesine ıe. Kásiporyn maıly daqyldardy suryptaýmen jáne tuqym ósirýmen, múıizdi iri qara maldyń asyl tuqymdy túrlerin jaqsartýmen, aýyl sharýashylyǵy ónimin óndirýmen, satýmen, qaıta óńdeýmen, ǵylymı zertteý jumystarynyń nátıjelerin aprobasııalaýmen jáne aıaqtalǵan ǵylymı ázirlemelerdi óndiriske engizýmen aınalysady.
