«QazTransOıl» AQ «Batumi Terminals Limited» (Kıpr) kompanııasynyń 100% aksııasyn ıelendi jáne osy kompanııa arqyly Grýzııadaǵy «Batýmı munaı termınaly» jaýapkershiligi shekteýli qoǵamynyń óndiristik aktıvterin ıelenip, basqarǵan bolatyn. Batýmı munaı termınaly «Batýmı teńiz porty» JShQ 100% aksııasynyń eksklıýzıvti basqarý quqyǵyna ıe.
Qazaqstan Respýblıkasy Úkimetiniń 30.12.2015 jylǵy «Jekeshelendirýdiń 2016 - 2020 jyldarǵa arnalǵan keıbir máseleleri týraly» № 1141 qaýlysyna sáıkes, «QazTransOıl» AQ men kompanııanyń negizgi óndiristik aktıvteri arasyndaǵy basqarý deńgeılerin qysqartý maqsatynda «QazTransOıl» AQ «Batumi Terminals Limited» kompanııa tobyn qaıta qurylymdaý boıynsha júıeli jumys júrgizdi.
2017 jyldyń 28 maýsymynda «Batumi Terminals Limited» kompanııasyn jabý prosedýralary tolyq aıaqtaldy.
