Sonyń ishinde óńirdegi ózekti máselelerdi sheshý maqsatynda 30 myńnan astam turǵyn úı men jer telimine degen azamattardyń suranysyn qanaǵattandyrý úshin qalanyń shyǵys bóliginen «Otyrar» yqsham aýdany boı kóterýde. Qazirgi tańda munda 8 úıdiń qurylysy júrgizilýde. Osy jumystardyń barysymen tanysqan Túrkistan qalasynyń ákimi Á.О́serbaev kóp uzamaı munda jańa qala qalyptasatynyn jetkizdi.
Oblys ákimi Janseıit Túımebaev jyl basynda Túrkistanǵa jasaǵan jumys sapary barysynda jańa shaǵyn aýdanynyń qurylysyn sapaly ári merzimdi júrgizilýine mán berýdi tapsyrǵan bolatyn. О́ńir basshysynyń tapsyrmasyn taǵy bir pysyqtap shyqqan qala ákimi ár qaısysy 60 páterlik 8 úıden bólek bıyl munda taǵy da 6 úıdiń qurylysy bastalatynyn aıtty.
«Keler jyly munda 20 kópqabatty turǵyn úı salynsa, odan bólek 150 kottedj boı túzeıtin bolady. Munda qonystanǵan otbasylardyń balalary úshin qazirgi kúnde balabaqsha, mektep máselesi týyndap otyr. Biz máseleniń túıinin memlekettik jekemenshik áriptestik aıasynda sheshýdi josparlap otyrmyz», - dedi Túrkistan qalasynyń ákimi Álipbek О́serbaev.
Taıaý kúnderi «Otyrar» shaǵyn aýdanynan 280 oryndyq balabaqsha qurylysy bastalady dep kútilýde. Al keler jyly jańa mektep ǵımaratyn salý josparda bar. Bul qurylystardan basqa aýdanda 200 oryndyq balalarǵa arnalǵan psıhologııalyq-túzetý ortalyǵy boı kóteretin bolady. Qalanyń ákimshilik iskerlik ortalyǵy da osy shyǵys bólikten salynbaq.
