Jekpe-jek shymyldyǵyn 49 kılo salmaqtaǵy Temirtas Júsipov pen Iohanýs Argılagos ashyp berdi. Qazaqstandyq boksshy qarsylasyn bet qaratqan joq.
Kezdesýde Temirtas Júsipov qarsylasynan jas jaǵynan da tájirıbe jaǵynan da basym ekenin anyq baıqatty. Kýbalyq boksshy alǵashqy raýnda qarsylasyp baqqan. Áıtse de, Júsipov qarsylasynan shıraq qımyldap, ár raýnd saıyn dál soqqylar jasap, qarsylasynan basym tústi. Jekpe-jektiń sońyna taman Temirtas kúshine enip, Argılagostyń apshysyn qýyrǵan. Tóreshiler bir aýyzdan jeńisti 3:0 esebimen Júsipovke berdi.
Kezdesýden keıin Temirtas Júsipov jýrnalısterge bergen suhbatynda jankúıerlerge qoldaýy úshin rahmet aıtty:
- Kezdesýde bapkerlerimniń aıtqandaryn tolyq oryndap shyqtym. Keshegi salmaq ólsheýden soń qarsylasym jyndanyp shyqqan, búgingi kezdesýde ol ózin joǵaltyp aldy. Sondaı-aq, jankúıerlerge qoldaýlary úshin alǵys bildiremin.
Aıta keteıik, eki boksshy 2015 jylǵy fınalda jolyǵyp, kezdesý Júsipovtyń jeńisimen aıaqtalǵan bolatyn.
