Astanada ótip jatqan WSB serııasynyń fınaldyq básekesinde sharshy alańǵa ekinshi bolyp shyqqan Ilııas Súleımenov kýbalyq Haver Ibanesten basym tústi. Birinshi raýandty bir-birimen ańdysyp ótkizgen boksshylar, ekinshi raýandtan bastap shıraq qımyldaı bastady. Úshinshi raýndta kýbalyq boksshy basymdylyqqa ıe bolǵandaı kóringen. Alaıda Ilııas qarsylasyna mursha bergen joq. Esep 3:0.
Jekpe-jekten keıin Ilııas Súleımenov jekpe-jekti mineziniń arqasynda jeńgenin aıtady:
- Búgingi qarsylasymnyń alys qashyqtan soqqy jumsaýy qıyn ekenin eskerip, soǵan saı ádis jasadym. Ol meniń aılama aldanyp, birneshe soqqy darytyp aldy. Qolymdy túsirip, oınatyp, onyń ábden zyqysyn shyǵardym. Rıng syrtynan jankúıerlerdiń qoldaýyn estip, odan saıyn qýat aldym. Al kýbalyqtar aıqaılaǵan kezde qarsylasymdy tómpeshtep tastaǵym keldi. Qysqasha aıtqanda, búgingi jekpe-jekte minezdiń arqasynda jeńiske jettim.
Dúnıejúzilik boks serııasynyń (WSB) jetinshi maýsymdaǵy fınaldyq jekpe-jegi dál qazir Astanadaǵy «Qazaqstan» sport kesheninde ótip jatyr.
