Resmı jıyn kezinde Qasym-Jomart Toqaev EKSPO-2017 Kórmesi tehnologııalyq jańǵyrýǵa jáne halyqaralyq yntymaqtastyqtyń nyǵaıýýyna jańa serpin beretinin tilge tıek etti. Sondaı-aq, kóptegen elderdiń ekonomıkasy men ǵylymı baǵyttaǵy jańa salalardyń damýyna da úles qosatynyn eskerdi. Senat Tóraǵasy halyqaralyq qatysýshylar men sheteldik qonaqtarǵa Kórme aıaqtalǵan soń, EKSPO nysandarynda jumys isteıtin jańa qurylymdar týraly aıtyp berdi.
«EKSPO aıaqtalǵannan keıin, kórme aýmaǵynda birneshe halyqaralyq ınstıtýttar paıda bolady. Mysaly, «Astana Halyqaralyq qarjy ortalyǵy», «Jańa tehnologııalar parki», «BUU aıasyndaǵy jasyl tehnologııalar men ınvestısııalyq jobalardy damytý ortalyǵy» osynda jumys isteıtin bolady. Qazaqstan osy ǵasyrdyń ortasyna qaraı álemniń damyǵan 30 memleketiniń deńgeıine jetýdi kózdep otyr»,- dedi Q.Toqaev.
О́z sózinde Mılan Shteh EKSPO Kórmesine qatysý Chehııa Respýblıkasy úshin mańyzdy ekenin aıtty. «Kórmege qatysýdyń birneshe sebepteri bar. Birinshisi - kópjyldyq dostyq qarym-qatys. Qazaqstan Respýblıkasy men Chehııa Respýblıkalary Ortalyq Azııada áriptes memleketter. Ekinshisi, ónerkásiptik energetıka men aqyldy energııa bolyp tabylatyn mamandandyrylǵan kórme taqyryby. Biz eń úzdik energııa degenimiz eshqashan sarqylmaıtyn energııa dep bilemiz. Sondyqtan, Chehııa Respýblıkasynyń ǵalymdary men zertteýshileri ekologııanyń neǵurlym taza bolýyna barlyq jaǵdaı jasap jatyr. Sol jetistikterdiń birnesheýin Chehııa pavılonynda kórýge bolady»,- dedi Mılan Shteh.
Merekelik jıynnyń resmı bóligi aıaqtalǵan soń, kelýshiler Chehııa men Qazaqstan pavılondaryn tamashalap qaıtty. Al, Ulttyq kún sahnasynda Praga konservatorııasynan kelgen akrobattar men myń buralǵan bıshiler EKSPO qonaqtary úshin óner kórsetti.
Atap óteıik, Chehııa memleketinde jańartylatyn energııa kózin paıdalaný kórsetkishi 13 paıyz. Al, EKSPO-daǵy Chehııa pavılonnyń jalpy aýmaǵy 292,5 sharshy metr. Onda jańa tehnologııalar men energııa kórderin damytý salasyndaǵy birqatar jumystar kórsetilgen. Pavılonda qaldyqtardy óńdeýge arnalǵan jańa tehnologııa úlgisi tanystyrylýda. Sonymen qatar, onda elektrovelosıped pen elektroavtobýsty tamashalaýǵa bolady.
