Qos boksshy jekpe-jek bastala sala qarsylasyn tuqyrtyp alý úshin kúrzi judyryqtaryn aıaǵan joq. Kelesi kezeńde Oljas siltegen soqqylar nysanaǵa dóp tıip, Toırakty eseńgiretip tastady. Dymy quryǵan Ioandı qaıta-qaıta Boqaevty qushaqtap, oıyn tártibin buzýmen boldy. Kýbalyqtyń qýlyǵyn der kezinde baıqaǵan tóreshi úshinshi raýndta Toırakqa eskertý jasaǵan. Kezdesýdiń qalǵan bóliginde aıqyn basymdylyqqa ıe bolǵan Oljas qarsylasyn 3:0 esebimen tize búktirdi.
Negizi Oljastyń qarsylasyna qaraǵanda halyqaralyq arenadaǵy tájirıbesi azdaý. Ol bıyl eki kezdesý ótkizip, bir ret jeńse, bir ret utylǵan. Ioandı da bıylǵy jobada kóp rıngke shyǵa qoımaǵan-dy. Áıtse de, jas «Arlan» tájirıbeli «qabylandy» qapy qaldyrdy.
Dúnıejúzilik boks serııasynyń (WSB) jetinshi maýsymdaǵy fınaldyq jekpe-jegi dál qazir Astanadaǵy «Qazaqstan» sport kesheninde ótip jatyr. Ázirge 5:3 esebimen kýbalyqtar alda keledi.
