Jekpe-jek eki boksshynyń bir-biriniń álsiz tusyn ańdýmen ótti. Ekinshi raýnda Zákir baryn salyp, basymdylyqqa ıe boldy. Jekpe-jektiń sońyna taman Safıýlın qarsylasyn bet qaratqan joq. Zákirdiń tolassyz jaýǵan soqqylarynan Alvares qashyp úlgere almady. «Arlannyń» aıqyn basymdylyǵyn moıyndaǵan tóreshiler bir aýyzdan jeńisti Safıýllınge berdi.
60 kılodaǵy kezdesý synǵa túsken Zákir úshin bul ese qaıtaratyn jekpe-jek bolatyn. Esterińizde bolsa, ol 2015 jylǵy fınalda osy Alvareske ese jibergen-tuǵyn. Sondyqtan shyǵar, Safıýllın kezdesý bastala sala baryn saldy. Onyń ústine, bul jekpe-jekte Zákir utylsa, «Kýba qabylandary» jeńiske bir taban jaqyndaı túsetin edi. Esterińizge sala keteıik, Lazaro Alvares Olımpıada oıyndarynyń eki dúrkin qola júldegeri, úsh ret álem chempıony atanǵan tájirıbeli boksshy.
Dúnıejúzilik boks serııasynyń (WSB) jetinshi maýsymdaǵy fınaldyq jekpe-jegi dál qazir Astanadaǵy «Qazaqstan» sport kesheninde ótip jatyr. Ázirge 5:4 esebimen kýbalyqtar alda keledi.
