Lagerdiń negizgi maqsaty - Túrki keńesi elderiniń jastary arasynda mədenıetaralyq baılanys, jastar saıasaty salasynda ozyq təjirıbe men ınnovasııalyq jobalar almasý.
Túrli jastar uıymynyń ókilderi QR Prezıdenti Nursultan Nazarbaevtyń "Bolashaqqa baǵdar: rýxanı jańǵyrý" atty baǵdarlamalyq maqalasyn talqylap, oı qosty. Elbasynyń Túrki áleminiń ıntegrasııasyna qatysty bastamalaryna qoldaý bildirip, Túrki elderiniń mədenı-gýmanıtarlyq yqpaldastyǵyn artyrýda mańyzdy ekendigi aıtyldy. Sondaı-aq jastar saıasatyndaǵy ınnovasııalyq ıdeıalardyń iske asýy, osy saladaǵy Túrki keńesi elderinde júzege asyrylyp jatqan tıimdi jobalar men basqa da ózekti máselelerdi talqylady.
Jazǵy lagerdiń jabylý saltanatyna Halyqaralyq Túrki akademııasynyń prezıdenti Darxan Qydyráli, «QazAqparat» HAA bas dırektory Asqar Ýmarov, QR Din isteri jáne azamattyq qoǵam mınıstrligi jastar saıasaty departamentiniń dırektory Ǵabıdolla Ospanqulov, sondaı-aq "Jas Otan" jastar qanatynyń, Astana qalasy men Aqmola oblysynyń jastar saıasaty máseleleri basqarmalarynyń ókilderi qatysty. Sharany QR Din isteri jáne azamattyq qoǵam mınıstrligi, «Jas Otan» jastar qanaty jáne Halyqaralyq Túrki akademııasy uıymdastyrdy. Aıta ketken jón, Túrki keńesiniń alǵashqy lageri ótken jyly Túrkııada uıymdastyrylǵan bolatyn. Kelesi lager Ázerbaıjanda nemese Qyrǵyzstanda ótedi.
