Qaıǵyly habardy «Qazaqfılm» AQ-nyń baspasóz hatshysy Dmıtrıı Shıshkın rastady. «Qaıǵyly jańalyq. Búgin túnde uzaq syrqattan keıin Vladımır Tolokonnıkov qaıtys boldy. Qazir ony aqtyq saparǵa shyǵaryp salý jumystarymen marqumnyń dosy, rejısser Konstantın Haralampıdıs aınalysyp jatyr. Ázirge naqty aqparat joq, biraq qoshtasý rásimi seısenbi kúni Máskeýdegi Kıno úıinde ótedi dep kútilýde. Al denesi Troekýrovsk zıratyna jerlenedi. Elimizdiń talantty ártisteriniń biriniń jatqan jeri jaıly bolsyn", - dedi Dmıtrıı Shıshkın.
QR mədenıet jəne sport mınıstri Arystanbek Muhamedıuly feısbýk paraqshasynda "Vladımır Alekseevıch Lermontov atyndaǵy orys drama teatrynda 40 jyldan astam ýaqyt eńbek etti. 24 maýsymda nebəri 74 jasqa tolǵan-tuǵyn. Jaqyndary men týystaryna qaıǵyra kóńil aıtamyn", dep jazdy. Ártistiń uly Innokentıı habarlasqan reseılik aqparat agenttikterine ákesiniń kóz jumǵanyn rastady.
Vladımır Tolokonnıkov 1943 jyly 25 maýsymda Almaty qalasynda dúnıege kelgen. QazKSRO-nyń eńbek sińirgen ártisi. 1973 jyly Iаroslavl teatr ýchılıshesiniń akterlik fakýltetin aıaqtady. 1988 jyly «Sobache serdse» fılminde Polıgraf Polıgrafovıch róliy somdaǵannan keıin asa tanymaldylyqqa ıe boldy. Sondaı-aq P.V.Tochılınniń «Hottabych» fılminde basty róldi oınady, onda akter ınternet-mádenıetpen betpe-bet kelgen qazirgi zamannyń djıni bolady. Hottabych róli úshin «MTV-2007» kınojúldesiniń nomınasııasyn jeńip aldy. Tolokonnıkov 60-tan astam fılm men serıalǵa túsken. Sońǵy jyldary Almatydaǵy Lermontov atyndaǵy respýblıkalyq akademııalyq orys drama teatrynda jumys istep, onymen bir mezgilde kınoǵa túsip júrdi.
