Bolashaq jol saqshylaryn daıarlaýǵa yqpal etetin bul shara oblys ortalyǵynyń irgesindegi, tamasha tabıǵat aıasynda oryn tepken «Daryn» óńirlik ǵylymı-praktıkalyq ortalyǵynda ótedi. Reseı men Tájikstan memleketteri jáne elimizdiń túkpir-túkpirinen jınalǵan 180 oqýshy «Jol júrisi qaǵıdasyn bilý», «Jas retteýshi», «Velosıpedti mánerlep júrgizý», «Erýdıtter baıqaýy», «Jas sanıtarlar», «Velosıpedti avtoqalashyqta júrgizý», «Úgitbrıgadalar baıqaýy», «Saptyq jarys» atalymdary aıasynda baqtaryn synap, baptaryn baıqaıtyn bolady.
«Shyraıly Shyǵys topyraǵynda osymen úshinshi márte jalaýy jelbirep otyrǵan dúbirli dodaǵa qosh keldińizder. Bul saıys oqýshylardyń zań men tártipti bilip qana qoımaı, qorshaǵan orta, jaqyn-jýyq, dos-jaran, ata-anasyn qurmetteýge úıretedi. Jarysta tek myqtylar jeńiske jetsin», - dedi halyqaralyq deńgeıdegi básekeniń ashylý saltanatynda sóz sóılegen oblystyq Ishki ister departamenti jergilikti polısııa qyzmeti basshysynyń orynbasary, polısııa polkovnıgıi Erlan Kármenov.
Reti kelgende aıta keteıik, bul slet О́skemende 2009, 2014 jyldary ótkizilip, bizdiń óńirdiń quramasy jyl saıyn uıymdastyrylatyn baıqaýda tórt márte top jarypty.
Azamat QASYM,
«Egemen Qazaqstan»
