Qazaqstan IIM Ákimshilik polısııa komıteti jol qozǵalysyn qamtamasyz etý salasyn úılestirý bóliminiń basshysy Nurseıit Ábishevtiń aıtýynsha Ákimshilik quqyq buzýshylyq týraly kodekske kólik quralyn masań kúıde basqarǵany úshin múgedekterdi kólik quraldaryn basqarý quqyǵynan 3 jylǵa aıyrý túrindegi ákimshilik jaýapkershilik engizilgen. «Sonymen qatar, jol belgilerimen nemese joldyń júrý bóligindegi tańbalarmen kórsetilgen talaptardy saqtamaǵany úshin aıyppul mólsheri 5-ten 3 aılyq eseptik kórsetkishke qysqartyldy. Sondaı-aq, masań kúıin kýálandyrýdan ótýden bas tartqan úshin júrgizýshi kýáliginen aıyrý merzimi 2 jyldan 3 jylǵa deıin kóbeıtildi, ishki ister organdarynyń, áskerı polısııanyń qyzmetkeri toqtatqan jaǵdaıda onyń ruqsatynsyz jolaýshy kólik quralyn tastap ketken úshin jaýapkershilikke tartylý alynyp tastalyndy», – dedi N.Ábishev.
Budan bólek, Nurseıit Ábishev «Jol júrisi týraly» Zańda túngi ýaqytta, ıaǵnı saǵat 23-ten tańǵy 06 saǵatqa deıin qalaaralyq, aýdanaralyq qatynastarda avtobýstarmen jolaýshylardy udaıy tasymaldaýǵa tyıym salý alynyp tastalynǵanyn jetkizdi. «Ákimshilik kedergilerdi tómendetý maqsatynda júrgizýshi kýáliginiń merzimi ótip ketken jaǵdaıda júrgizýshi kýáligin aıyrbastaý kezinde jol júrisi qaǵıdalary týraly qaıta emtıhan tapsyrý jónindegi mindettilik alynyp tastalyndy. Sondaı-aq, jaıaý júrginshiler ótkelinen velosıpedti aıdap júrýge tyıym salyndy». Ol atalǵan Zańnyń erejeleri 2017 jyldyń 15 shildesinen bastap qoldanysqa engizildi.
Raýan QAIDAR,
«Egemen Qazaqstan»
