Ásem tabıǵaty men tarıhı-mádenı oryndary kóp Aıyrtaý– týrızmdi damytýǵa óte qolaıly aımaqtardyń biri. Týrıstik aýmaqty jańǵyrtý baǵdarlamasy sheńberinde munda “Turpan-1” jáne “Turpan-2” demalys oryndary ashyldy. Demalys bazalarynda zamanaýı úlidegi 10 úı boı túzep, segiz adam turaqty jumyspen qamtyldy. Ekonomıkalyq jaǵynan tıimdi jobalar jergilikti bılik organdary men bıznes qurylymdarynyń birlesýi arqyly júzege asyryldy.
Saýmalkól aýylynyń turǵyndaryna “Mega Stroı” saýda ortalyǵy da óz esigin aıqara ashty. Saýda kesheninde kıim-keshekter, qurylys, azyq-túlik, turmystyq zattar, otandyq avtomobılderge arnalǵan qosalqy bólshekter qoljetimdi baǵamen usynylady. Saýda-ónerkásiptik keshenniń ıesi Nıkolaı Bıjov on adamǵa jumys taýyp berdi .
Abdolla Iskandarov pen Raýan Aıazbaev birigip ashqan dámhanaǵa kelýshiler rıza.
О́mir Esqalı,
«Egemen Qazaqstan».
Soltústik Qazaqstan oblysy.
